وزیراعظم اور خاتون اول میں علیحدگی کی خبریں، حقیقت کیا۔؟ جانیے

وزیراعظم عمران خان اور خاتون اوّل بشری عمران خان کی علیحدگی کی خبروں پر معاون خصوصی برائے سیایسی امور شہباز گل کا بیان سامنے آ گیا-

اسلام آباد:(واصب ابراہیم غوری سے ) تفصیلات کے مطابق سماجی رابطے کی ویب سائٹ ٹوئٹر پر اپنی ٹوئٹ میں شہباز گل نے وزیراعظم اور ان کی اہلیہ سے متعلق خبروں کی بے بنیاد قراردیتے ہوئے ایسی خبریں پھیلانے والوں کے خلاف قانونی کاروائی کرنے کی دھمکی دی-

انہوں نے کہا کہ وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے پر پہلے ہی نجم سیٹھی کے خلاف ہم عدالت میں ہیں۔ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی۔خاتون اوّل اور وزیراعظم دونوں اسلام آباد میں موجود ہیں-

شہباز گل نے کہا کی پورے ایک سال میں خاتون اوّل صرف ایک ہفتےکے لئے لاہور تشریف لے کر گئیں پچھلے چند مہینوں سے وہ لاہور تشریف نہیں لے کر گئیں اور اسلام آباد میں تشریف فرما ہیں سیاست اور صحافت کریں لیکن اہلخانہ جو سیاست میں موجود ہی نہیں ان کے بار جھوٹی جعلی خبریں دیں گے تو عدالت لے کر جائیں گے-

واضح رہے کہ سال 2019 میں اینکر پرسن نجم سیٹھی نے پروگرام میں بتا یا تھا کہ بنی گالا میں جھگڑا ہو گیا ہے جس کے بعد سے سوشل میڈ یا پر قیاس آرائیاں جاری تھیں کہ وزیراعظم اور خاتون اول کی علیحدگی ہو گئی ہے جس کے بعد سوشل میڈ یا پر وزیراعظم عمران خان اور خاتون اول بشریٰ بی بی کے درمیان علیحدگی کی افواہیں گرم تھیں تاہم وزیراعظم نے خود ہی وضاحت پیش کر کے تمام افواہوں کا دم توڑ دیا تھا۔