استحکام پاکستان پارٹی کی رجسٹریشن ہوگی یا نہیں؟ الیکشن کمیشن نے فیصلہ محفوظ کرلیا

یوتھ ویژن نیوز : پاکستان پارٹی کی رجسٹریشن کے معاملے پر الیکشن کمیشن آف پاکستان نے فیصلہ محفوظ کرلیا ہے

تفصیلات کے مطابق استحکام پاکستان پارٹی کی رجسٹریشن کے معاملے پر الیکشن کمیشن میں سماعت ہوئی۔ چیف الیکشن کمیشن کی زیرصدارت پانچ رکنی بنچ کیس کی سماعت کر رہا ہے۔

یہ بھی پڑھیں: الیکشن کمیشن نےعمران خان کوپارٹی صدارت سےہٹانےکی تیاری شروع کردی

استحکام پاکستان تحریک بطور پارٹی 2022 سے الیکشن کمیشن میں رجسٹرڈ ہے۔ اچانک جہانگیر ترین، علیم خان اور دیگر نے لاہور میں پریس کانفرنس کی اور استحکام پاکستان پارٹی کا اعلان کر دیا

ممبرالیکشن کمیشن نثار درانی نے کہا کہ کیا آپ اس پارٹی کو چیلنج کر سکتے ہیں؟ ممبر بابربھروانہ نے کہا کہ ملتے جلتے ناموں کی کئی سیاسی جماعتیں رجسٹرڈ ہیں۔ نثاردرانی نے کہا کہ کیا آپ اس پوائنٹ پر ہمیں مطمئن کر سکتے ہیں کہ ایک پارٹی رجسٹرڈ نہیں اور آپ کی درخواست اس کے خلاف قابل سماعت ہو سکتی ہے۔

یہ بھی پڑھیں: عمران خان جیسا لیڈر ڈیتھ سل میں پڑا ہے,اربوں کی لوٹ مار کرنےوالے ملک چلا رہے ہیں، اینکر پرسن معید پیرزادہ

چیف الیکشن کمشنر کا چٹکلا:

سماعت کے دوران استحکام پاکستان پارٹی کے وکیل کی آمد پر خوش آمدید کہنے پر چیف الیکشن کمشنر نے چٹکلا سنادیا۔ چیف الیکشن کمشنر نے کہا کہ ویسے تو آپ ان کو خوش آمدید کہہ رہے ہیں، دونوں استحکام پاکستان کے لئے کام کرنا چاہتے ہیں لیکن وہاں آپ انہیں خوش آمدید نہیں کہہ رہے۔

استحکام پاکستان تحریک کے وکیل نے کہا کہ استحکام پاکستان پارٹی والے ہر چیز دوسروں سے چرا رہے ہیں۔ ممبر الیکشن کمیشن اکرام اللہ نے کہا کہ آپ بھی استحکام پاکستان چاہتے ہیں، وہ بھی استحکام پاکستان چاہتے ہیں، ہم بھی استحکام پاکستان چاہتے ہیں۔ چیف الیکشن کمشنر نے کہا کہ ملتے جلتے ناموں کی کئی سیاسی جماعتیں موجود ہیں، آپ کا پوائنٹ آ گیا ہے۔

یہ بھی پڑھیں: سوشل میڈیا پرجج ہمایوں دلاورکی اہلیہ کی وائرل ویڈیوجھوٹی نکلی 

استحکام پاکستان پارٹی کے وکیل دوران سماعت اپنی پارٹی کا نام بھول گئے:

استحکام پاکستان پارٹی کے وکیل نے دلائل میں کہا کہ ملتے جلتے ناموں کی کئی پارٹیاں الیکشن کمیشن کے پاس رجسٹرڈ ہیں۔ ممبر الیکشن کمیشن بابربھروانہ نے کہا کہ انتخابی نشان کسی بھی پارٹی کی منفردیت کو بیان کرتا ہے۔ ممبر جسٹس ریٹائرڈ اکرام اللہ نے کہا کہ کیا آسٹریلیا میں محمد علی اور احمد علی ہوتا ہے۔ آپ کی پریشانی سمجھ آتی ہے کہیں آپ کو ووٹرز کو نہ لے جائیں۔ الیکشن کمیشن نے کیس کا فیصلہ محفوظ کرلیا۔