شرمیلا فاروقی بس ڈرائیور بن گئیں
یوتھ ویژن نیوز: پاکستان پیپلز پارٹی کی رہنما شرمیلا فاروقی بس ڈرائیور بن گئی ہیں، انہیں پنک پیپلز بس
سروس کی پہلی خاتون ڈرائیور بننے کا اعزاز بھی حاصل ہو گیا ہے۔
شرمیلا فاروقی نے اس حوالے سے سماجی رابطوں کی ویب سائٹ ’ ٹوئٹر‘ پر بس ڈرائیونگ کرتے ہوئے اپنی ویڈیو بھی شیئر کردی ہے۔واضح رہے کہ حکومت سندھ کی جانب سے آج خواتین کی سہولت کے لئے خصوصی بس سروس کا آغاز کیا گیا ہے جس کا افتتاح صوبائی وزیر ٹرانسپورٹ شرجیل میمن نے کیا۔
شرمیلا فاروقی نے بس کے افتتاح کے موقع پر جب ڈرائیونگ سیٹ سنبھالی اور بس کو چلایا تو انہیں پہلی بس ڈرائیور بننے کا بھی اعزاز حاصل ہوا۔ بس ڈرائیونگ کرتے ہوئے انہوں نے سیلفی لی اور آج کے دن کو خواتین مسافروں کے لیے تاریخی بھی قرار دیا۔انہوں نے پنک بس سروس کو وزیر خارجہ و چیئیرمین پاکستان پیپلزپارٹی بلاول بھٹو زرداری اور حکومت سندھ کا زبردست اقدام قرار دیتے ہوئے کہا کہ پی پی اس سے قبل ویمن بینک کا قیام عمل میں لائی اور یہ وہ جماعت ہے جس نے ہمیشہ خواتین کو ترجیح دی۔
