’’جوڈیشل کو‘ نامنظور، مریم نواز

اسلام آباد: پاکستان مسلم لیگ (ن) کی مرکزی نائب صدر مریم نواز نے سپریم کورٹ آف پاکستان کی جانب سے ڈپٹی اسپیکر کی رولنگ کے متعلق کیس کے فیصلے پر تبصرہ کرتے ہوئے اسے ’جوڈیشل کو‘ قرار دیا ہے۔

مریم نواز نے یہ بات سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں کہی ہے۔

سابق وزیراعظم اور ن لیگ کے قائد میاں نواز شریف کی صاحبزادی مریم نواز نے انصاف کا قتل نا منظور کے عنوان سے بھی ایک پیغام سماجی رابطوں کی ویب سائٹ پہ شیئر کیا ہے جس میں عوام کا سوال درج ہے اور اس میں استفسار کیا گیا ہے کہ ایک ہی طرح کے کیس میں دو مختلف فیصلے کیوں؟