مقبول گجرلاہور پہنچ گئے،پولیس کے روکنے پر فرار
لاہور( مظہر چشتی سے )پابندی کے باوجود مقبول گجرلاہور پہنچ گئے،پولیس کے روکنے پر فرار،آئی جی پنجاب نے رپورٹ طلب کر لی۔
تفصیلات کے مطابق پی ٹی آئی کے رہنما اور آزاد کشمیر اسمبلی کے ممبر مقبول گجر محکمہ داخلہ پنجاب کی پابندی کے باوجود لاہور پہنچ گئے، لاہور پولیس مقبول گجر کو حراست میں لینے کے لیے موقع پر پہنچ گئی، پولیس نے حکومتی آرڈر پر مقبول گجر سے دستخط کرائے۔اس موقع پر مقبول گجر اور ایس ایچ او عاطف کے درمیان تکرار بھی ہوئی۔
پولیس کا کہنا تھا کہ آپ ہمارے ساتھ تھانے چلیں باقی وہاں بات کرتے ہیں۔
مقبول گجر کا کہنا تھا کہ میں آزاد کشمیر کا وزیر ہوں، مجھے نہیں روکا جاسکتا، مقبول گجر گاڑی میں بیٹھ کر فرار ہوگئے۔ واضح رہے کہ ضمنی انتخاب میں امن امان یقینی بنانے کے لیے محکمہ داخلہ پنجاب نے علی امین گنڈا پور اور مقبول گجر کے صوبے میں داخلے پر پابندی عائد کی تھی۔
آئی جی پنجاب نے مقبول گجر کی لاہور آمد پر واقعے کا نوٹس لیتے ہوئے رپورٹ طلب کر لی۔
دوسری جانب صوبائی وزیر داخلہ عطا اللہ تارڑ نے مقبول گجر کی طرف سے پنجاب میں پابندی کے باوجود داخلے کی کوشش پر ردعمل دیتے ہوئے کہا کہ علی امین گنڈا پور اور مقبول گجر پر پنجاب میں داخلے پر پابندی قانونی طور پر لگائی گئی،مقبول گجر کو پنجاب داخلے پر پابندی کا علم ہونے کے باوجود پنجاب میں داخلے کی کوشش ان لوگوں کے مذموم مقاصد ظاہر کرتی ہیں، پابندی اس لئے لگائی گئی کہ خدشہ موجود تھا کہ اسلحہ سے لیس جتھے پختونخواہ اور آزاد کشمیر سے پنجاب آئیں گے۔
عطا تارڑ نے کہا کہ ان کا ارادہ تھا کہ ضمنی الیکشن کے دوران امن و امان کی صورتحال خراب کریں، پنجاب میں ضمنی الیکشن کے دوران کسی کو بدامنی پھیلانے کی ہر گز اجازت نہیں دی جائے گی،اسلحہ بردار لوگوں کو فورا گرفتار کیا جائے گ