ضمنی الیکشن کو شفاف ہونا چاہیے، چودھری شجاعت حسین
اسلام آباد (یاسر ملک سے ) – سربراہ مسلم لیگ ق چودھری شجاعت حسین کا کہنا ہے ضمنی الیکشن کو شفاف ہونا چاہیے اور جو کامیاب ہو اسے مان لینا چاہیے۔
سابق وزیر اعظم اور مسلم لیگ ق کے سربراہ چوہدری شجاعت حسین کی صدر آزاد کشمیر بیرسٹر سلطان محمود سے ملاقات ہوئی۔ ميڈيا سے گفتگو میں بيرسٹر سلطان نے کہا کشمير میں ظلم پر بھی چوہدرى شجاعت کى نظر ہے۔ جب سے میں سياست میں ہوں ان سے رہنمائى ليتا رہا ہوں ۔ اب عالمى سطح پر کشمير کے حوالے سے آج رہنمائى کے لئے ان سے ملاقات کے لئے پيش ہوا ہوں ۔ بھارت کی طرف سے جو اقدامات اٹھائے گئے وہ ساری چیزیں ذہن میں رکھ کر چودھری صاحب سے رہنمائی لیتا رہتا ہوں۔
چوہدرى شجاعت نے ميڈيا سے گفتگو میں کہا کشمیر کے معاملے پر ہمیشہ ان کی رہنمائی کرتے رہیں گے۔ دنیا میں کوئی ویڈیوز کی پرواہ نہیں کرتا۔ ہر سال یو این کا اجلاس ہوتا ہے، ہر وزیراعظم پرانے وزیراعظم کی تقریر نکال کر تھوڑی بہت تبدیلی کر کے کرتا ہے۔ کوشش ہے ایسا حل نکالیں جس سے نا نقصان انڈیا کو ہو نا ہمیں ۔ بات بس انسانیت کی کریں، انسانیت سب سے بڑھ کے ہے۔ انہوں نے کہا سلطان محمود اور میرا بیانیہ ایک ہی ہے۔ ہم کمزور نہیں ہیں، اپنے آپ کو کمزور سمجھتے ہیں۔
