الیکشن کمیشن نے پی ٹی آئی پی کے انٹرا پارٹی انتخابات کی توثیق کردی
یوتھ ویژن : ثاقب ابراہیم غوری سے الیکشن کمیشن آف پاکستان نے پاکستان تحریک انصاف پارلیمنٹرینز کی جانب سے کرائے گئے انٹرا پارٹی انتخابات کو باضابطہ طور پر تسلیم کر لیا ہے۔
اسلام آباد، (روزنامہ یوتھ ویژن ۔ 19 مارچ2024ء) الیکشن کمیشن آف پاکستان نے پی ٹی آئی پارلیمنٹرینز کی جانب سے کرائے گئے انٹرا پارٹی انتخابات کو باضابطہ طور پر تسلیم کر لیا ہے۔
روز نامہ یوتھ ویژن کے مطابق انتخابات پرویز خٹک کے پارٹی چیئرمین شپ سے علیحدگی کے بعد خالی ہونے والی اسامیوں کو پر کرنے کے لیے کرائے گئے تھے۔ الیکشن کمیشن کے نوٹیفکیشن کے مطابق محمود خان پی ٹی آئی پارلیمنٹرینز کے چیئرمین جبکہ ملک افضل دین کو وائس چیئرمین مقرر کیا گیا ہے۔
الیکشن کمیشن کی جانب سے انٹرا پارٹی انتخابات کے نتائج کی توثیق پی ٹی آئی کے انتخابی عمل کی ساکھ کو اجاگر کرتی ہے۔ امید ہے کہ محمود خان اور ملک افضل دین پر مشتمل نو منتخب قیادت پارٹی کے پارلیمانی امور کی قیادت کرے گی۔
