وزیراعظم شہباز شریف نے قومی اسمبلی تحلیل کرنے کی سمری صدر مملکت کو بھجوا دی
یوتھ ویژن نیوز : وزیراعظم نے قومی اسمبلی تحلیل کرنے کی سمری صدر کو بھجوا دی ۔
حکومتی ذرائع کے مطابق وزیراعظم نے تھوڑی دیر پہلے سمری پر دستخط کیے اور صدر کو بھجوا دی وزیراعظم نے آئین کے آرٹیکل 58 ایک کے تحت قبل ازوقت قومی اسمبلی تحلیل کرنے کی ایڈوئس کر دی۔
یہ بھی پڑھیں: عمران خان تاحیات تحریک انصاف کے چیئرمین رہیں گے، کورکمیٹی کا فیصلہ
اس سے قبل وزیراعظم نے قومی اسمبلی سے اپنے آخری خطاب میں کہا کہ ’’میں آج رات صدر کو پارلیمنٹ تحلیل کرنے کا مشورہ دوں گا‘‘۔شہبازشریف کی اس سفارش کی صدر عارف علوی سے توثیق ضروری ہے۔اس کے بعد نگران حکومت تشکیل پائے گی اور اس کی نگرانی میں 90 دن کے اندرآیندہ عام انتخابات ہوں گے۔
تاہم پولنگ میں کئی ماہ کی تاخیر ہوسکتی ہے کیونکہ الیکشن کمیشن نئی مردم شماری کی بنیاد پر قومی اور صوبائی اسمبلیوں کے سیکڑوں حلقوں کی دوبارہ تشکیل کا عمل شروع کرنے والا ہے۔ شہبازشریف نے قومی اسمبلی میں اپنی الوداعی تقریر کے آغازمیں کہا کہ وہ 11 اپریل 2022ء کو وزیر اعظم منتخب ہوئے تھے۔
انھوں نے اعتماد کا اظہار کرنے پر ایوان کے دونوں اطراف بیٹھے قانون سازوں کا شکریہ ادا کیا۔ انھوں نے کہاکہ ان کی حکومت نے اپنی 16 ماہ کی مختصر مدت کے دوران میں متعدد چیلنجوں اور مشکلات کا سامنا کیا۔ ہمیں پچھلی حکومت کی ناکامی اور غیر ذمے داریوں کا بوجھ اٹھانا پڑا۔اس کے بعدانھوں نے پچھلی حکومت کی ناکامیوں کی تاریک تصویر پیش کی۔
