عمران خان کو سزا سنانے والے جج ہمایوں دلاور کی سکیورٹی میں اضافہ
یوتھ ویژن نیوز چیئر مین پی ٹی آئی کا ٹرائل کرنے والے جج ہمایوں دلاور کی سکیورٹی میں اضافہ کردیا گیا ہے۔
یہ بھی پڑھیں: توشہ خانہ کیس:عمران خان کی سزا کا تحریری فیصلہ جاری
رپورٹ کے مطابق مطابق جج ہمایوں دلاور کی سکیورٹی میں پولیس اسکواڈ میں اضافہ کردیا گیا ہے ان کے ساتھ دو پولیس اسکواڈ تعینات کردیے گئے ہیں۔ جج ہمایوں دلاور کیخلاف فیس بک اکاؤنٹ کے حوالے سے سوشل میڈیا پر منفی مہم بھی چلائی گئی تھی۔
چئیرمین پی ٹی آئی کو سزا کے بعد پی ٹی آئی کارکنوں کی جانب سے ممکنہ ردعمل کے خدشے کے پیش نظر راولپنڈی پولیس کو بھی ہائی الرٹ کردیا گیا ہے۔
پولیس کی اضافی نفری مری روڈ پر تعینات ہے اور اینٹی رائٹ فورس کے دستے بھی الرٹ ہیں۔ضلع بھر میں دفعہ 144 نافذ ہے اور کسی سیاسی مذہبی جماعت کو گروہ بندی کی اجازت نہیں ہوگی، قیدی وینز کو بھی مری روڈ کی جانب روانہ کردیا گیاہے۔
