فواد چودھری پر تشدد، اہلیہ نے تصدیق کردی
یوتھ ویژن نیوز (واصب غوری سے )تحریک انصاف کے نائب صدر فواد چودھری کی اہلیہ حبا چوہدری نے چیف جسٹس سے اپیل کی ہے کہ پی ٹی آئی رہنما فواد چودھری پر تشدد اور دہشت گردوں کی طرح عدالت پیشی پر سوموٹو ایکشن لیا جائے۔
یہ بھی پڑھیں:ایران میں زلزلے سے 3 افراد ہلاک، 820 زخمی
لاہور میں پی ٹی آئی رہنماؤں کے ساتھ پریس کانفرنس کے دوران حبا چودھری کا کہنا تھا کہ چیئرمین تحریک انصاف کا شکریہ ادا کرتی ہوں کہ انہوں نے میری بات سنی۔ فواد چودھری کو دہشتگردوں کی طرح کپڑا ڈال کر لایا جارہا ہے۔بچوں کو بھی فواد چودھری سے ملنے نہیں دیا جارہا ۔
جب تک لیڈی پولیس اہلکار اور سرچ وارنٹ نہیں ہوں گے کسی کو گھر میں گھسنے نہیں دوں گی۔ اہلیہ فواد چودھری کا کہنا تھا کہ چیف جسٹس پاکستان عمر عطا بندیال، فواد چودھری پر تشدد اور حکومت کی جانب سے قانون کی خلاف ورزی پر سوموٹو ایکشن لیں۔
انہوں نے حکومتی انتقامی کارروائیوں کا حوالہ دیتے ہوئے کہا کہ فواد چودھری کو عدالتی ہدایت کے باوجود ان کی بیٹیوں سے نہیں ملنے دیا جا رہا۔
یہ بھی پڑھیں: ای پاسپورٹ فیس میں اضافے کی خبریں بے بنیاد قرار
حبا چوہدری کا کہنا تھا کہ گزشتہ سماعت کے دوران فاضل جج نے پولیس کو ہدایت کی کہ بخشی خانے میں فواد چوہدری کی بیٹیوں سے ملاقات کروائی جائے مگر پولیس نے عدالتی حکم کی صریح خلاف ورزی کرتے ہوئے فواد چوہدری کو 4 سالہ اور 6 سالہ کم سن بیٹیوں سے ملنے نہیں دیا۔
