عمران خان پرقاتلانہ حملہ کےخلاف پنجاب اسمبلی میں قرارداد منظور
یوتھ ویژن نیوز(یاسر ملک سے )تحریک انصاف کے لانگ مارچ کے دوران عمران خان پر قاتلانہ حملے کے خلاف پنجاب اسمبلی میں مذمتی قرارداد منظور کرلی گئی۔
تفصیلات کےمطابق پنجاب اسمبلی میں مذمتی قرارداد صوبہ پنجاب کے وزیر راجہ بشارت نے پیش کی، قرار داد کے متن میں کہا گیا ہے کہ وزیر آباد میں 3نومبر کو قاتلانہ اور بزدلانہ حملے کی مذمت کرتے ہیں۔
یہ بھی پڑھیں؛ سپریم کورٹ کے جج کیلئے جسٹس اطہرمن اللہ کے نام کی منظوری
قرارداد میں کہا گیا کہ واقعے میں متعدد رہنما زخمی اور ایک کارکن شہید ہوا ہے، قاتلانہ حملہ سیکیورٹی اداروں کی کارکردگی پر سوالیہ نشان ہے۔قرارداد میں مطالبہ کیا گیا کہ عمران خان نے جن لوگوں کے نام لیے ان کیخلاف کارروائی کی جائے، واقعے کی تحقیقات کے لیے جوڈیشل کمیشن قائم کیا جائے
قرارداد میں مزید کہاگیا کہ واقعے کو مذہبی رنگ دینے کی مذمت کرتے ہیں، جاں بحق کارکن کے خاندان سے اظہار ہمدردی اور مغفرت کی دعا کرتے ہیں۔قرارداد میں کہا گیا کہ یہ ایوان دعا گو ہے کہ اللہ تعالیٰ پاکستان کو ہر قسم کی آفت، مشکل اور ناگہانی صورتحال سے محفوظ رکھے اور چیئرمین پی ٹی آئی عمران خان کو صحت کاملہ عطا کرے۔
یہ بھی پڑھیں: امریکا کی عمران خان پر حملے کی سخت مذمت