کوئی یہ سمجھ رہا ہےعمران خان کےبغیرالیکشن ہوسکتےتو77 کی تاریخ یاد رکھے،شیخ رشید
یوتھ ویژن نیوز( عمران قذافی سے )سابق وزیر داخلہ شیخ رشید کا کہنا ہے کہ کوئی یہ سمجھ رہا ہے عمران خان کے بغیر الیکشن ہوسکتے تو 77 کی تاریخ یاد رکھے۔
یہ بھی پڑھیں: ملکہ برطانیہ کے بڑے بیٹےچارلس بادشاہ بن گئے
تفصیلات کے مطابق سابق وزیر داخلہ شیخ رشید نے عدالت میں پیشی کے موقع پر میڈیا سے گفتگو کرتے ہوئے کہا کہ پی ڈی ایم الیکشن سےبھاگ رہی ہے، لوڈ شیڈنگ بڑھ گئی ہے،حکومت کےپاس کچھ نہیں ہے۔
سابق وزیر داخلہ کا کہنا تھا کہ 45 دن اہم ہے، ستمبرستمگر بھی ہوسکتا ہے، یہ ناکام حکومت ہے، صرف سیلاب سیلاب کھیل رہی ہے۔
یہ بھی پڑھیں: الیکشن کمیشن نے13حلقوں میں ضمنی انتخابات کوملتوی کردیا
پی ٹی آئی چیئرمین کے حوالے سے سربراہ عوامی مسلم لیگ نے کہا عمران خان کا کیس لیگل ٹیم دیکھ رہی ہے، کسی کونا اہل کرکے سیاست ختم نہیں کی جاسکتی، ہم نےسات سات سال جیل میں گزاری ہے، جیل ہماراسسرال اور ہتھکڑیاں ہمارازیورہے۔
ان کا مزید کہنا تھا کہ کوئی یہ سمجھ رہا ہے عمران خان کے بغیر الیکشن ہوسکتے تو 77 کی تاریخ یاد رکھے کوئی شخص پولنگ اسٹیشن نہیں جائے گا۔
یہ بھی پڑھیں:کراچی والوں کیلئےخوشخبری،بجلی 4 روپے12 پیسےسستی ہوگئی
اس سے قبل سابق وزیر نے اپنے ٹوئٹ میں حکومت پر تنقید کرتے ہوئے کہا تھا کہ ان حلقوں میں بھی الیکشن ملتوی کردیے گئے جہاں سیلاب نہیں آیا، میں نے پہلے ہی کہہ دیا تھا کہ پی ڈی ایم الیکشنز سے بھاگ رہی ہے۔
ان کا کہنا تھا کہ ابھی تودگنی لوڈشیڈنگ ہے جب پوری بجلی کابل آئے گا تو کیا بنے گا۔
