بلوچستان میں سیلاب سے250 افراد جان کی بازی ہار گئے

یوتھ ویژن نیوز ( عمران قذافی سے ) بلوچستان میں گزشتہ 24 گھنٹوں کے دوران بارشوں کے نتیجے میں ہونے والے حادثات میں مزید 2 افراد جان کی بازی ہار گئے ہیں۔ مون سون بارشوں اور سیلاب کے پیش نظر جاں بحق ہونے والوں کی تعداد 250 تک پہنچ گئی ہے۔

یہ بھی پڑھیں: آرمی چیف جنرل قمر جاوید باجوہ سوات پہنچ گئے، آئی ایس پی آر

 تفصیلات کے مطابق پرووینشل ڈیزاسٹر مینجمنٹ اتھارٹی کی جانب سے رپورٹ جاری کی گئی ہے۔ رپورٹ کے مطابق گزشتہ 24 گھنٹوں میں بارش اور سیلاب کے نتیجے میں ہونے والے حادثات میں مزید 2 افراد جان کی بازی ہار گئےہیں۔ جس کے بعد بلوچستان میں یکم جون سے اب تک بارشوں اور سیلاب کے مختلف حادثات میں جاں بحق ہونے والوں کی تعداد 250 تک پہنچ گئی ہے۔ رپورٹ کے مطابق 

جاں بحق ہونے والوں میں 117 مرد 60 خواتین اور 73 بچے شامل ہیں۔ سب سے زیادہ ہلاکتیں کوئٹہ میں 27 ہوئی ہیں۔ اس کے بعد لسبیلہ میں 21 اور پشین میں 17  اموات ریکارڈ کی گئی ہیں۔

یہ بھی پڑھیں: شہباز گل کی درخواست ضمانت خارج، دوبارہ جیل منتقل

اس کے علاوہ بلوچستان میں بارشوں کے دوران مختلف حادثات میں 110 افراد زخمی بھی ہوچکے ہیں۔

پی ڈی ایم اے کی رپورٹ کے مطابق سیلابی ریلوں اور بارشوں سے مجموعی طور پر بلوچستان میں 61 ہزار 718 مکانات کو نقصان پہنچا ہے۔  جبکہ ایک لاکھ 45 ہزار 936 سے زائد مال مویشی سیلابی ریلوں کی نذر ہو چکے ہیں۔ اب تک مجموعی طور پر 2 لاکھ ایکڑ زمین پر کھڑی فصلوں کو بھی نقصان پہنچا ہے۔