قومی بچت پروگرام، بچت اسکیموں کے شرح منافع میں اضافہ
اسپیشل سیونگ کا شرح منافع 11 فیصد، ڈیفنس سیونگ سرٹیفکیٹ کا منافع 10.92 فیصد ہوگیا، اطلاق یکم اپریل سے ہوگا۔
نیشل سیونگ نے مختلف بچت اسکیموں کے شرح منافع میں رد و بدل کا اعلان کر دیا، آنے والے دنوں میں عوام بچت اسکیموں میں سرمایہ کاری کرے گی۔
تفصیلات کے مطابق اسپیشل سیونگ کا شرح منافع ایک فیصد اضافے سے 11 فیصد جبکہ ریگولر سیونگ سرٹیفیکٹ کا شرح منافع 0.84 فیصد اضافے سے 11.4 فیصد ہو گیا ہے
بہبود اور پینشن سرٹیفیکٹ کے شرح منافع میں 0.48 فیصد اضافہ کیا گیا ہے جس سے منافع کی کُل شرح 12.72 فیصد ہو گئی۔
ڈیفنس سیونگ سرٹیفیکٹ کے شرح منافع میں 0.60 فیصد اضافہ ہوا، کُل منافع 10.92 فیصد کرنے کا اعلان کیا گیا ہے۔
سیونگ اکاؤنٹ کے شرح منافع میں کوئی تبدیلی نہیں کی گئی، سیونگ اکاؤنٹ کا شرح منافع 8.25 فیصد پر ہی برقرار ہے۔
قومی بچت اسکیم کے مطابق شرح منافع میں تبدیلی کا اطلاق یکم اپریل سے ہوگا۔
معاشی تجزیہ کاروں کے مطابق ملک میں بچت کا رجحان بڑھانے کی خاطر بچت اسکیموں کے شرح منافع میں اضافہ کیا گیا ہے۔
ماہرین نے امکان ظاہر کیا ہے کہ شرح منافع میں اضافے کی وجہ سے آئندہ دنوں میں بچت اسکیموں میں عوام کی جانب سے بڑھ چڑھ کر سرمایہ کاری ہو سکتی ہے۔