دیہی علاقوں کی رابطہ سڑکوں کی تعمیر ومرمت کے لیے فنڈز جلد بحال کئے جائیں,خان محمد اشرف
دیہی علاقوں کی رابطہ سڑکوں کی تعمیر ومرمت کے لیے روڈ سیس کے فنڈز جلد بحال کروائیں گے ، اپنے علاقے کے کسانوں کی فلاح وبہبود کے لیے اپنی ہرممکن کاوشیں بروئے کار لاﺅں گا: خان محمد اشرف
بہاول پور(محمد عباس سے) تفصیل کے مطابق اشرف شوگرملزکے منیجنگ ڈائریکٹر ومعروف صنعتکارچوہدری خان محمد نے رانا محمد شفیع کے ڈیرے پر علاقائی کسانوں سے خطاب کرتے ہوئے مزید کہا کہ آئندہ کسی بھی کسان کی ٹرالیوں کو شوگر ملز پر اپنا گنا پہنچانے میں انتظار نہیں کرنا پڑے گا، بلا سود قرض کے سلسلے کو اور وسیع اور آسان بنایا جا رہا ہے جس میں اب ٹریکٹر، زرعی آلات، سولر پلیٹس، بجلی کا بل اور کسان کی دیگر ضروریات میں بھی تعاون کیا جائے گا میرا آپ کسانوں کے پا س آنے کا مقصد آپ کو درپیش مسائل سے آگاہی اور مل جل کر آئندہ کا لائحہ عمل مرتب کر نا ہے جس سے کسان بھائیوں اور شوگر ملز دونوں کا فائدہ ہو سکے اپنے علاقے کے کسانوں کی فلاح وبہبود کے لیے میں اپنی ہرممکن کاوشیں بروئے کار لاﺅں گا اشرف شوگر ملز اور کسانوں کے روابط و مثالی تعاون کو40برس بیت چکے ہیں اور اب یہ سلسلہ تیسری پشت پر آچکا ہے جسے آئندہ بھی مظبو ط تر بنایا جائے گا ہمارے زرعی ماہرین مستقل بنیادوں پر اپنی ماہرانہ رائے کسانوں کو فیلڈ میں فراہم کرتے رہیں گے تاکہ ہمارے کسان کی فی ایکڑ پیداوار کوبڑھانے کی ہر ممکن مدد کی جائیگی ہمارا کسان خوشحال ہوگا تو ہماراملک زرعی طور پرخوشحال ہو گا اس موقع پر کسانوں نے چوہدری خان محمد اشرف کے ان اقدامات کو خوب سہراتے ہوئے ان کا خیر مقدم کیا اس موقع پر کسان اتحاد پاکستان کے ضلعی صدر رانا محمد صادق،رانامحمدافضل،راناعطاءمحمد،رانا محمداعظم،راناحاجی امام بخش،رانامحمدسلیم،رانامحمدندیم،ملک بگو اعوان،ملک سعید دادپوترا،قاضی حبیب،راناشاہد،نصراللہ اعوان،ملک شبیرکھرل،ملک وزیرکھرل،ملک سراج ارائیں و دیگر موجودتھے۔