شبانہ اعظمی کو کورونا ہو گیا

ممبئی(نبیلہ اکبر سے ) بالی ووڈ اداکارہ اور جاوید اختر کی اہلیہ شبانہ اعظمی کا بھی کورونا ٹیسٹ مثبت آگیا ہے۔

جس کی تصدیق شبانہ اعظمی نے خود اپنے انسٹاگرام کے ذریعے کی، انہوں نے لکھا کہ ان کا کورونا ٹیسٹ مثبت آیا ہے، جس کے بعد انہوں نے خود کو قرنطینہ کر لیا ہے۔

انہوں نے درخواست کی کہ ان دنوں جن افراد سے انہوں نے ملاقات کی وہ احتیاطی چور پر اپنا ٹیسٹ کرا لیں۔

جس پر کئی نامور شخصیات سے انہوں کمنٹ میں جلد صحت یابی کی دعا دی، پروڈیوسر بونی کپور نے لکھا کہ آپ جاوید اختر صاحب سے دور رہیے گا۔

یاد رہے 2020 میں جب انٹرویو کے دوران شبانہ اعظمی سے لاک ڈاون کے بارے میں سوال کیا تو ان کا کہنا تھا کہ میرے لیے گھر کے اندر رہنا بہت مشکل ہے، لیکن جاوید کو اس کی عادت ہے کیونکہ جب وہ لکھتے ہیں تو خود کو قرنطینہ کر لیتے ہیں۔ لیکن لاک ڈاون سے یہ فائدہ ہوا کہ ان دونوں نے ایک ساتھ بہت وقت گزارا۔

شبانہ اعظمی، کرن جوہر کی ہدایت کاری میں بننے والی فلم ‘راکی ​​اور رانی کی پریم کہانی’ میں نظر آئیں گی جس میں رنویر سنگھ، عالیہ بھٹ، دھرمیندر اور جیا بچن بھی شامل ہیں۔