دنیا بھر کی 10 بڑی سیاسی جماعتوں کی فہرست جاری، پاکستان تحریک انصاف بھی شامل
یوتھ ویژن نیوز : دنیا بھر کی 10 بڑی سیاسی جماعتوں میں بھارت کی ‘بھارتیہ جنتا پارٹی’ سب سے بڑی سیاسی جماعت کے طور پر فہرست میں پہلے نمبر پر ہے۔
یہ بھی پڑھیں: توشہ خانہ کیس:عمران خان کی سزا کا تحریری فیصلہ جاری
سماجی رابطے کی ویب سائٹ ٹوئٹر پر اعدادوشمار جاری کرنے والے اکاؤنٹ ‘ورلڈ آف اسٹیٹسٹکس’ کی جانب سے بڑی سیاسی جماعتوں کی فہرست جاری کی گئی ہے۔ یہ فہرست سیاسی جماعتوں کے کارکنان کی تعداد کو مدِ نظر رکھتے ہوئے جاری کی گئی ہے۔
فہرست کے مطابق پہلے نمبر پر 180 ملین کارکنان کے ساتھ ‘بھارتیہ جنتا پارٹی’ موجود ہے جبکہ دوسرے نمبر پر چین کی ‘چائنیز کمیونسٹ پارٹی’ ہے جس میں کارکنان کی تعداد 98.04 ملین ہے۔ تیسرے نمبر پر بھی بھارت کی ہی سیاسی جماعت ‘انڈین نیشنل کانگریس’ (50 ملین کارکنان) موجود ہے۔
یہ بھی پڑھیں: عمران خان کے بعد پی ٹی آئی کی قیادت کون کرے گا؟ شاہ محمود قریشی یا علیمہ خان؟
ورلڈ آف اسٹیٹسٹکس کی جاری کردہ فہرست میں چوتھے اور پانچوے نمبر پر امریکا کا قبضہ ہے۔ امریکا کی ڈیموکریٹک پارٹی 47.13 ملین اور ریپبلکن پارٹی 36.01 ملین کارکنان کے ساتھ تیسرے اور چوتھے نمبر پر موجود ہے۔
یہ بھی پڑھیں: پانبدی اور عمران خان کی سزا کے باوجود پی ٹی ائی نے پشاور سے میدان مار لیا
فہرست میں چھٹے اور نویں نمبر پر پھر بھارت کی سیاسی جماعتیں موجود ہیں۔ ساتویں نمبر پر ترکی کی 11.24 ملین کے ساتھ’ اے کے پارٹی’ جبکہ آٹھویں نمبر پر اتھوپیا کی ‘پروسپیریٹی پارٹی’ 11 ملین کارکنان کے ساتھ فہرست کا حصہ ہے۔ دنیا بھر کی 10 بڑی سیاسی جماعتوں کی فہرست میں پاکستان تحریک انصاف (پی ٹی آئی) دسویں نمبر پر موجود ہے۔ پی ٹی آئی کے کارکنان کی تعداد فہرست میں 10 ملین بتائی گئی ہے
