پاکستان بمقابلہ ویسٹ انڈیز سیریز کے لیے پی سی بی اور آئی سی سی ٹی وی کے درمیان شراکت داری،آئی سی سی ٹی وی غیر نشریاتی شراکت دار علاقوں میں میچوں کو نشر کرےگا
کراچی۔(علی رضا غوری سے ):پاکستان کرکٹ بورڈ کی آئی سی سی ٹی وی کے ساتھ شراکت داری کی وجہ سے دنیا کے کونے کونے سے کرکٹ شائقین اب بابر اعظم کی ٹیم کو ویسٹ انڈیز کے خلاف ایکشن میں دیکھ سکیں گے۔ پاکستان کرکٹ بورڈ (پی سی بی) سے ہفتہ کویہاں جاری کردہ تفصیلات کے مطابق آئی سی سی ٹی وی سے شراکت داری پی سی بی کی اپنی نشریاتی رسائی کو بڑھانے کی کوششوں کا حصہ ہے۔
غیر نشریاتی شراکت دار علاقوں (آسٹریلیا، مین لینڈ یورپ، جنوب مشرقی ایشیا اور باقی دنیا)میں رہنے والے شائقین کو کامیاب ترین ٹی ٹوئنٹی انٹرنیشنل کودیکھنے کی سہولیت دے گی۔ ویب پر دستیاب آئی سی سی ٹی وی اینڈرائیڈ اور آئی او ایس سپورٹڈ ہے۔
ویسٹ انڈیز کا دورہ پاکستان آئی سی سی ٹی وی جن ممالک میں موبائل آلات پر براہ راست دیکھا جا سکتا ہے ان میں اندورا، انٹارکٹیکا، ارجنٹائن، آرمینیا، آسٹریلیا، آسٹریا، آذربائیجان، بیلاروس، بیلجیئم، بولیویا، بوسنیا ، ہرزیگوینا، بوویٹ آئی لینڈ، برازیل، بائویٹ، آذربائیجان، برٹش انڈین اوشین ٹیریٹری، برونائی، بلغاریہ، کمبوڈیا، چلی، چین، کرسمس آئی لینڈ، کوکوس آئی لینڈ، کولمبیا، کروشیا، قبرص، جمہوریہ چیک، ڈنمارک، مشرقی تیمور، ایکواڈور، ایسٹونیا، فاک لینڈ جزائر، فیرو آئی لینڈ، فن لینڈ، فرانس، فرانس گیانا، جارجیا، جرمنی، جبرالٹر، یونان، گیانا، ہرڈ آئی لینڈ، ہانگ کانگ، ہنگری، آئس لینڈ، انڈونیشیا، اسرائیل، اٹلی، جاپان، قازقستان، کوسوو، کرغیستان، لاس، لٹویا، لیچٹنسٹائن، لتھوانیا، لکسمبرگ، میکاونیا ملائیشیا، مالٹا، مائیکرونیشیا، مالڈووا، موناکو، منگولیا، مونٹی نیگرو، میانمار، ہالینڈ، نیو کیلیڈونیا، شمالی کوریا، ناروے، پیراگوئے، پیرو، فلپائن، پولینڈ، پرتگال، رومانیہ، روس، سان مارینو، سربیا، سنگاپور، سلوواکیہ، سلووینیا ، جنوبی کوریا، سپین، سورینام، سویڈن، سوئٹزرلینڈ، تائیوان، تاجکستان، تھائی لینڈ، ترکی، ترکمانستان، یوکرین، یوراگوئے، ازبکستان، ویٹیکن سٹی، ویتنام اور وینزویلا شامل ہیں۔
پی سی بی نے اپنی اسٹریٹجک منصوبہ بندی کے ذریعے اس سے قبل اتصالات (مشرق وسطی اور شمالی افریقہ)، فلو اسپورٹس (کیریبین)، اسکائی این زیڈ (نیوزی لینڈ)، اسکائی اسپورٹس (برطانیہ)، سونی (پاکستان سے باہر جنوبی ایشیا) کے ساتھ نشریاتی معاہدوں پر دستخط کیے ہیں، سپر اسپورٹس (سب صحارا افریقہ)اور ولو ٹی وی(شمالی امریکہ)ہوم بین الاقوامی سیزن اور ایچ بی ایل پاکستان سپر لیگ 2023 تک نشر کریں گے۔پاکستان میں شائقین Daraz کی آفیشل ایپ پر چھ وائٹ بال میچز کے تمام ایکشن کو لائیو سٹریم کر سکتے ہیں اور FM106.2 پر لائیو کمنٹری سن سکتے ہیں۔پاکستان اور ویسٹ انڈیز کے درمیان 13 سے 22 دسمبر تک کراچی کے نیشنل اسٹیڈیم میں تین ٹی ٹوئنٹی اور تین آئی سی سی مینز کرکٹ ورلڈ کپ سپر لیگ ون ڈے میچ کھیلے جائیں گے۔
