میونسپل کارپوریشن بہاولپور کی نااہلی، مین ہول کا ڈھکن غائب، مئیربہاولپور کے سب اچھے کے دعوے، کسی بڑے حادثہ کے منتظر، اہل علاقہ کی دہائی

بہاولپور (یاسر ملک سے ) بہاولپور میں میونسپل کارپوریشن کی نااہلی کی وجہ سے سڑکوں پر موجود مین ہول کے ڈھکن غائب، میئر بہاولپور سوشل میڈیا پر عوام کو سب اچھا کا دعوٰی کرتے نظر آتے ہیں۔ اس طرح کی نااہلی سے کسی بڑے حادثہ کا سبب بن سکتی ہے۔ تفصیل کے مطابق یونین کونسل نمبر 16 میں شائن کار واش سروس سے ملحقہ گلی میں پچھلے کئی ہفتوں سے مین ہول (گٹر ) کا ڈھکن غائب ہے، جو کہ کسی بھی بڑے حادثہ کا سبب بن سکتا ہے ، خصوصا رات کے وقت روشنی کا مناسب انتظام ن ہونے کی وجہ سے بچے ، خواتین اور بزرگوں کے لئے پریشانی کا سبب بن سکتا ہے۔ دن کے وقت موٹر سائیکل سوار اور چھوٹے بچوں کے راہ گزر ہونے کی وجہ سے اہل علاقے کے لئے تشویش کا سبب بنا رہتا ہے۔ اہل علاقہ کے مطابق انہوں نے بارہا میونشپل کارپوریشن کے متعلقہ افسران کو اس بابت درخواست گزاری کی ہے لیکن ابھی تک کوئی سنوائی نہیں ہوئی۔ اہل علاقہ کا یہ بھی کہنا ہے کہ مئیر بہاولپور سوشل میڈیا پر عوام الناس کو اپنا ہر ممکن تعاون کی یقین دہانی کرواتے نظر آتے ہیں اور سب اچھے کا دعویٰ کرتے نظر آتے ہیں لیکن حقیت اسکے برعکس ہے۔ اہل علاقہ نے میئر بہاولپور، ضلعی انتظامیہ سے اس مسئلے کو فوری حل کروانے کی درخواست کی ہے۔