وزیر اعظم شہبازشریف کی روسی صدرپیوٹن سے اہم ملاقات
یوتھ ویژن نیوز( عاقب غوری سے ) وزیراعظم شہباز شریف دورے پر ازبکستان پہنچ گئے جہاں ان کی روسی صدر پیوٹن اور ایرانی صدر ابراہیم رئیسی سے ملاقات ہوئی، وہ شنگھائی تعاون تنظیم کے سربراہی اجلاس میں شرکت کریں گے۔
یہ بھی پڑھیں: عالمی مارکیٹ میں تیل سستا،پاکستانی کوعوام ریلیف ملے گا یا نہیں؟فیصلہ آج ہوگا
وزیرِ اعظم محمد شہباز شریف اعلیٰ سطح کے وفد کے ہمراہ سمرقند انٹرنیشنل ائیر پورٹ پر پہنچے جہاں انکا استقبال وزیراعظم ازبکستان عبداللہ آریوف، وزیر برائے پبلک ایجوکیشن ازبکستان بختیار سائیدوف، گورنر سمرقند ارکنجون تردیموف، نائب وزیر خارجہ ازبکستان غیرت فوزیلوف، پاکستان میں ازبک سفیر ایبک عارف عثمانوف اور اعلی حکام نے استقبال کیا۔
وزیراعظم شہباز شریف نے دورے کے دوران سمر قند میں خضر کمپلیکس کا دورہ کیا، ازبکستان کے بانی رہنما اسلام کریموف کے مزار پر حاضری بھی دی۔
یہ بھی پڑھیں: آصف زرداری آرمی چیف کی تقرری کے اہل نہیں: شیخ رشید
وزیراعظم شہبازشریف کی روسی صدر پیوٹن سے ملاقات ہوئی۔ وزیراعظم نے تاجک صدر امام علی رحمن سے بھی ملاقات کی ۔ دونوں رہنماؤں نے علاقائی اور بین الاقوامی مسائل سمیت باہمی مفاد اور دو طرفہ تعاون کے تمام پہلوؤں پر بات چیت کی۔
وزیراعظم شہبازشریف سے ایرانی صدر ابراہیم رئیسی کی ملاقات بھی ہوئی جس میں مشترکہ مفادات اور دو طرفہ تعاون پر تبادلہ خیال کیا گیا۔
شہباز شریف کا بھارتی وزیراعظم نریندر مودی سے سامنا بھی ہوگا۔ میاں شہباز شریف دیگر رہنماؤں سے ملاقاتیں بھی کریں گے
