سیہون میں سیلاب متاثرین کومحفوظ مقام پرمنتقل کرتےہوئےکشتی الٹ گئی،13افراد جاں بحق
یوتھ ویژن نیوز (ثاقب غوری سے : سیہون میں سیلاب متاثرین کو محفوظ مقام پرمنتقل کرنے والی کشتی الٹ گئی جس کے نتیجے میں 13 افراد ڈوب کر جاں بحق ہوگئے۔
ڈپٹی کمشنر جامشورو کے مطابق سیلاب سے متاثرہ گاؤں بلال پور میں ریسکیو کارروائیوں کے دوران کشتی الٹنے کا واقعہ پیش آیا۔
یہ بھی پڑھیں:آئی ایم ایف کی پاکستان کو1 ارب17کروڑ ڈالرقرض کےاجراکی منظوری
ڈپٹی کمشنر نے بتایاکہ کشتی میں سوارسیلاب متاثرین محفوظ مقام پرمنتقل ہورہےتھےکہ کشتی الٹ گئی اور 13 افرا ڈوب کر جاں بحق ہوگئے۔
ڈپٹی کمشنر کا کہنا ہے کہ کشتی میں سوار8 افراد کوبچالیاگیا اور 4 کی تلاش جاری ہے۔
یہ بھی پڑھیں: ملک بھر میں سیلاب اور بارش سے مزید 75 افراد جاں بحق
دوسری جانب پیپلزپارٹی کے چیئرمین و وزیرخارجہ بلاول بھٹو زرداری نے کشتی الٹنے کے حادثے میں قیمتی انسانی جانوں کے ضیاع پر افسوس کا اظہار کیا اور کہاکہ نقل مکانی کرنے والے سیلاب متاثرین کو پیش آنے والے حادثے کی خبر سے صدمہ پہنچا ہے۔