سوات اورڈی آئی خان کےعلاقوں میں بارشوں نے تباہی مچا دی

یوتھ ویژن نیوز (عمران قذافی سے ) سندھ اور بلوچستان کے بعد سوات اور کےپی کے علاقوں میں بارشوں نے تباہی مچا دی۔

سوات کے سیاحتی مقام کالام کا سب سے بڑا ہوٹل سیلابی پانی میں بہہ گیا۔ دریائے سوات میں پانی کا بہت بڑا ریلا گزر رہا ہے۔ چارسدہ  اور نوشہرہ  میں مسلسل بارش کے باعث  پانی گھروں میں داخل ہو گیا۔ ٹانک اور ڈیرہ اسماعیل خان بالکل ڈوب گئے۔ مٹہ میں پہاڑی تودہ مکان پر گرنے سے 7افراد  ملبے تلے دب گئے۔

سوات   کے علاقے بحرین  میں دو مساجد اور متعدد مکانات دریا برد، 10 رابطہ پل سیلابی ریلے میں بہہ گئے۔ سوات اور مینگورہ  میں  پانی گھروں میں داخل ہو گیا، متعدد گاڑیاں بہہ گئیں۔ ڈیرہ اسماعیل خان میں بارش کا پانی چڑیا گھر پارک اورملحقہ علاقوں میں داخل ہو گیا۔  شورکوٹ، کرامت آباد، نیازی آباد اور دیگر دیہات کے مکین حکومتی امداد کے منتظر ہیں۔