ن لیگ کے بعد اب آصف زرداری کی باری ہے، علی زیدی

کراچی ( مظہر چشتی سے ) علی زیدی نے کہا ہے کہ ن لیگ کے بعد اب آصف زرداری کی باری ہے۔

تفصیلات کے مطابق پی ٹی آئی سندھ کے صدرعلی زیدی نے میڈیا سے گفتگو کرتے ہوئے کہا کہ بیشک عزت اور ذلت اللہ کے ہاتھ میں ہے، جب عمران خان وزیراعظم تھے تو انہوں نے کہا تھا کہ باہر نکل کر زیادہ خطرناک ہوجائیں گے۔

پی ٹی آئی سندھ کے صدر نے کہا کہ توحید کی امانت سینے میں آسان نہیں نام و نشان مٹانا، عمران خان کہتے ہیں اللہ کے آگے جھکتا ہوں، آج عوام نے اللہ کی طاقت دیکھ لی۔

علی زیدی نے یہ بھی کہا کہ آج پنجاب کے ضمنی انتخاب میں 20 میں سے 17 تحریک انصاف نے جیتیں، اب شہباز بتائیں کہ وہ خود سے استعفیٰ دیں گے یا باری باری وزیراستعفی دیں گے۔

ان کا کہنا تھا کہ قوم کی خدمت کرنے کیلئے پی ٹی آئی کے امیدوار تیار بیٹھیں ہیں، کراچی کے بلدیاتی الیکشن میں بھی پی ٹی آئی کامیاب ہوگی۔ انشاللہ کراچی کا مئیر پی ٹی آئی کا آئیگا۔

پی ٹی آئی سندھ کے صدرعلی زیدی کا مزید کہنا تھا کہ ہمارا پورا فوکس سندھ کے عوام کی خدمت پر ہے، ن لیگ کے بعد اب آصف زرداری کی باری ہے۔ کراچی کے شہریوں سے گزارش کرتا ہے ہوں اپنے ووٹ کی حفاظت کریں۔