آن لائن کمپیوٹر پروگرامنگ پلیٹ فارم ٹیورنگ نے پاکستان کا رخ کر لیا
کراچی: گھر بیٹھے بہترین ڈویلپر کی بھرتی اور امریکی فرم میں ریموٹ ملازمت فراہم کرنے والے مشہور پلیٹ فارم ’ٹیورنگ نے پاکستان کو بطورِ خاص اہمیت دینا شروع کی ہے۔
سافٹ ویئر انجینئرز کیلئے جنوبی ایشیائی ٹیلنٹ پول میں شامل ہونے اور اس خطے کے ڈ یویلپرز کیلئے ملازمت کے یکساں مواقعوں سے فائدہ اٹھانے کا بہترین موقع آچکا ہے کیونکہ ٹیورنگ ایک بین الاقوامی پلیٹ فارم ہے جو دنیا بھر کے سافٹ ویئر یویلپرزکو امریکہ کی فرمز میں اعلیٰ ملازمتوں کے مواقع فراہم کرتا ہے تاکہ وہ گھر بیٹھے کام کر کے اپنے خوابوں کی تکمیل کر سکیں۔
ایک جانب تو ٹیورنگ نے ویب سائٹ پر پاکستان سے وابستہ پیج بھی بنایا ہے اور دوسری جانب ٹیورنگ کے سی ای او اور شریک سربراہ جوناتھن سدھارتھ نے کہا ہے کہ پاکستان میں (سافٹ ویئر) انجنیئر کا بہترین ٹیلنٹ ہے جن کی ٹیکنالوجی کمپنیوں میں بہت قدر کی جاتی ہے۔ یہی وجہ ہے کہ پاکستان کا بہترین ٹیلنٹ دنیا کی ممتاز کمپنیوں کا حصہ بن چکا ہے۔
ڈیویلپرز کے درمیان سیکھنے کی ترغیب اور ان کی ترقی کے مشن کو آگے بڑھاتے ہوئے ٹیورنگ نے ایک ایسے پلیٹ فارم کاا ٓغاز کیا جو دنیا کے تمام ڈیویلپرز کو ملازمت کی تیاری، صلاحیتوں میں اضافے، انگریزی، مواصلات اور ذاتی ترقی کے مواقع فراہم کرتا ہے۔ اس کمیونٹی کے مختلف ذیلی باب ہیں جن میں ایشیا پیسیفک,،یوررپ مشرق وسطیٰ اور افریقہ, لاطینی امریکی، اور وومن ان ٹیک شامل ہیں۔ کمیونٹی کی رہنمائی اور مدد کیلئے باقائدگی سے خصوصی پروگرام اور تقریبات کا انعقاد کیا جاتا ہے۔
ٹیورنگ کے مطابق دنیا کے بہترین انجینئرز میں سے چند کا تعلق پاکستان سے بھی ہے۔جو اپنی بے مثال قابلیت سے ملک کی ٹیکنالوجی انڈسٹری کی صلاحیت میں بھرپور اضافہ کرنے کی صلاحیت رکھتے ہیں۔
