نیو یارک: ٹیکنالوجی کمپنی گوگل نے اپنے 2 نئے اسمارٹ فونز پکسل 8 اور پکسل 8 پرو متعارف کرا دیئے۔

غیر ملکی کمپنی کے مطابق نیو یارک میں منعقد ہونے والی ایک تقریب میں گوگل کی فلیگ شپ ڈیوائسز کی رونمائی کی گئی جہاں توجہ کا مرکز فون کا جدید کیمرا سسٹم رہا۔

گوگل کی جانب سے ڈیوائسز میں 50 میگا پکسل مرکزی کیمرا، بلٹ ان تھرما میٹر اور نئے بیسٹ ٹیک ٹول سمیت کئی دلچسپ فیچرز پیش کیے گئے ہیں۔

انٹربینک میں ڈالر نیچے

دونوں فونز کا مرکزی کیمرا 50 میگا پکسل رکھا گیا ہے جبکہ پکسل 8 کے دوسرے کیمرے اور الٹرا وائڈ کیمرا میں آٹو فوکس کا فیچر اپ ڈیٹ کیا گیا ہے۔ پکسل 8 پرو میں تمام کیمروں کو بہتر کیا گیا ہے۔

نئے پکسل 8 کا ڈسپلے 6.2 انچ جبکہ پکسل 8 پرو کا ڈسپلے 6.7 انچ کا رکھا گیا ہے۔

پکسل 8 میں 4575 ایم اے ایچ جبکہ پکسل 8 پرو میں 5050 ایم اے ایچ کی بیٹری دی گئی ہے۔ دونوں بیٹریوں کا دورانیہ 24 گھنٹوں سے زیادہ ہے تاہم کمپنی کی جانب سے فون میں نیا ٹینسر جی 3 پروسیر نصب کیا گیا ہے۔