جفرایکسپریس ٹرین کے عملے سے منشیات برآمد

یوتھ ویژن نیوز : اے این ایف نے بڑی کاروئی کرتے ہوئے بذریعہ ٹرین منشیات اسمگلنگ کی کوشش ناکام بنا دی سرکاری سامان کی پیٹی سے منشیات برآمد کرلی۔

اے این ایف کے ترجمان کے مطابق اینٹی نارکوٹکس فورس نے ٹرین کے ذریعے اسمگلنگ ہونے والے منشیات کو روکنے کیلئے کریک ڈاؤن جاری کیا ہوا ہے۔ انٹیلی جنس کی خفیہ اطلاع  پر باقاعدہ منصوبہ بندی کرتے ہوئے مختلف جنکشنز اور ٹرینوں کی آمد درآفت کی کڑی نگرانی کی گئی ہے ۔

یہ بھی پڑھیں: روپے کی گرتی قدرسےاغواکارپریشان، تاوان ڈالروں میں مانگنے لگے

اس دوران راولپنڈی، پشاور، لاہور، کراچی اور کوئٹہ سمیت ملک بھر کے تمام بڑے جنکشنز پر تمام ٹرینوں کو چیک کیا گیا۔

ٹرینوں کی نگرانی کے دوران خفیہ اطلاع پر جعفر ایکسپریس میں گجرات جنکشن پر ایک کارروائی کے دوران جعفر ایکسپریس ٹرین کے انچارج گارڈ اور اسسٹنٹ ایگزامینر الیکٹرک کو گرفتار کیا ہے ۔ سامان کی تلاشی لینے پر ملزمان کی سرکاری پیٹی سے 4 کلوگرام چرس برآمدی کے ساتھ 2 کلوگرام افیون بھی برآمد کر لی گئی۔

ملزمان ٹرین کے زرئعے سے منشیات راولپنڈی سے جیکب آباد اسمگل کرنے کی کوشش میں تھے۔ وقوعے کے بعد تمام بڑے ریلوے جنکشنز اور ٹرینوں کی نگرانی کو مزید سخت کر دیا گیا ہے ، دونوں ملزمان راولپنڈی کے رہائشی ہیں ان کے خلاف مقدمہ درج کر لیا گیا ہے۔

یہ بھی پڑھیں: حکومت نےجادوں ٹونےاورتعویذ پرپابندی عائد کردی

 گرفتار ملزمان سے مزید تفتیش جا ری ہے۔