شیخ رشید کو ہمارے حوالے کرو، کراچی پولیس نےمقدمہ درج کرلیا
یوتھ ویژن نیوز ( قاری عاشق حسین سے )وزیر خارجہ بلاول بھٹو کیخلاف نازیبا کلمات پر سابق وفاقی وزیر شیخ رشید کیخلاف کراچی میں مقدمہ درج کرلیا گیا۔
پولیس کے مطابق مقدمہ مدعی خدا بخش نامی شخص کی مدعیت میں موچکو تھانے میں درج کیا گیا ہے۔ شیخ رشید کی گرفتاری کیلئے کراچی پولیس کی ٹیم اسلام آباد پہنچ گئی ہے ۔
یہ بھی پڑھیں: سیاحت کے شوقین افراد کو 5 لاکھ مفت فضائی ٹکٹیں دینے کا اعلان
پولیس کے مطابق شیخ رشید کو آج ہی اسلام آباد سے کراچی منتقل کیا جائے گا۔
پولیس ذرائع کے مطابق شیخ رشید کو لینے سندھ پولیس اسلام آباد میں موجود ہے۔ شیخ رشید کو جوڈیشل ہونے کے بعد سندھ ہولیس کے حوالے کیا جائے گا۔ سندھ پولیس کے بعد مری پولیس کے حوالے کیا جائے گا۔
واضح رہے کہ شیخ رشید کیخلاف سندھ اور مری میں مقدمات درج ہیں۔
ذرائع کے مطابق مری پولیس نے بھی تھانہ آبپارہ سے رابطہ کیا ہے۔
مری پولیس نے شیخ رشید سے درج مقدمہ میں تفتیش کرنی ہے، مری پولیس کی تھانہ آبپارہ سے درخواست
مری پولیس کو اگر ملزم مطلوب ہے تو متعلقہ عدالت سے رابطہ کیاجائے، آبپارہ پولیس کا مری پولیس کی آئی ٹیم کو جواب ،
یہ بھی پڑھیں: لاہورہائیکورٹ کا الیکشن کمیشن کو الیکشن کی تاریخ دینے کی ہدایت
کراچی میں مقدمہ کے اندراج کا علم ہواہے،
پولیس نے ابھی اسلام آبادسے شیخ رشید کی حوالگی کی درخواست نہیں کی ،
دوسری جانب تحریک انصاف کے رہنما فرخ حبیب نے شیخ رشید کیخلاف نئے مقدمے کی مذمت کرتے ہوئے کہا ہے کہ بلاول پر تنقید پر کراچی میں توہینِ بلاول کا مقدمہ درج کرلیا گیا ہے۔ قانون کی دھجیاں اڑائی جارہی تاکہ سیاسی مخالفین کی زبان بندی کی جاسکے۔عدلیہ ایسی انتقامی کاروائیوں کا نوٹس لے۔