ٹویٹر نے 60 منٹ طویل ویڈیو اپ لوڈ کرنے کا فیچر متعارف کروا دیا
ٹویٹر پر صارفین پہلےصرف 10 منٹ طویل ویڈیو ہی اپ لوڈ کرسکتے تھے اب دورانیہ60منٹ تک بڑھادیاگیا ۔
ٹویٹر کے مالک ایلون مسک نے سوشل میڈیا پلیٹ فارم کو ویڈیو مواد تیار کرنے والوں کے لیے زیادہ پرکشش بنانےکاوعدہ کیاتھا۔یہی وجہ ہے کہ ٹوئٹر کی جانب سے 60 منٹ طویل ویڈیو اپ لوڈ کرنے کا فیچر متعارف کرا دیا گیا ہے۔60منٹ طویل ویڈیو کا فیچر ٹوئٹر ویب سائٹ پر ہی استعمال ہوسکے گا، اینڈرائیڈ یا آئی او ایس ایپ پر یہ فیچر فی الحال دستیاب نہیں۔
کمپنی کے سپورٹ پیج میں بتایا گیا کہ ہم اپنے پلیٹ فارم میں اپ لوڈ کی جانے والی ویڈیوز کا بہترین معیار برقرار رکھنا چاہتے ہیں۔اب ٹوئٹر بلیو کے صارفین 2 جی بی تک کی ایسی ویڈیو فائل پوسٹ کرسکیں گے جس کا دورانیہ 60 منٹ تک ہو۔
ابھی یہ واضح نہیں کہ اتنی طویل ویڈیوز میں ٹوئٹر کی جانب سے اشتہارات دکھائے جائیں گے یا نہیں۔
خیال رہے کہ ٹوئٹر بلیو سبسکرپشن سروس کو دسمبر میں دوبارہ چند ممالک میں متعارف کرایا گیا تھا۔ابھی کمپنی کی جانب سے آئی او ایس صارفین سے 11 ڈالرز جبکہ ویب صارفین سے 8 ڈالرز ماہانہ فیس لی جارہی ہے۔ٹوئٹر کی جانب سے بلیو فار بزنس پروگرام بھی متعارف کرایا گیا ہے جو کمپنیوں کے لیے ہے۔
