چینی کی قیمت میں ہوشرباء اضافہ
یوتھ ویژن نیوز : پنجاب کے مختلف شہروں میں چینی کی فی کلو قیمت 140روپے تک پہنچ گئی۔
تفصیلات کے مطابق پنجاب کے مختلف شہروں میں ایک ہفتے میں من مانے اضافے سے چینی کی فی کلو قیمت میں30سے45روپے اضافہ ہوا۔
پنجاب کے مختلف شہروں میں چینی کی قیمت میں من مانا اضافہ کردیا گیا ہے، جس کی وجہ پہلے سے مہنگائی کی چکی میں پسے شہری شدید پریشانی میں مبتلا ہوگئے ہیں۔
ایک ہفتے کے دوران چینی کی فی کلو قیمت میں تیس سے پینتیس روپےاضافہ ہوگیا۔مری، فیصل آباد اورجھنگ میں قیمت ایک سو چالیس روپے فی کلو تک جاپہنچی۔ ٹوبہ ٹیک سنگھ میں ایک سو پینتیس، گجرات میں ایک سو پچیس روپے فی کلو تک فروخت کی جارہی ہے۔
اس کے علاوہ راولپنڈی میں چینی120 ،لاہور110،فیصل آباد 140،ملتان 110،گوجرانوالہ 120 ،گجرات 125 ، سیالکوٹ 120،سرگودھا 118 ،ٹوبہ ٹیک سنگھ 135،بہاولپور 120،ساہیوال 120 ،بھکرمیں 120 روپے فی کلو میں فروخت ہو رہی ہے۔
منڈی بہاؤالدین میں چینی 130 ،فیروزوالا 130، جہلم 130 ،شیخوپورہ 125،اوکاڑہ 120،چکوال 110،ڈیرہ غازی خان 110اور رحیم یار خان 115روپے میں بک رہی ہے۔
دوسری جانب مہنگائی کی چکی میں پسی پنجاب کی عوام چینی کی قیمت میں ہوشرباء اضافے پرشدید پریشانی میںمبتلا ہوگئی ہے۔