جوبائیڈن نے مقبولیت کھو دی،امریکیوں نے مسترد کر دیا

امریکی جو بائیڈن بھی اپنی مقبولیت کھو بیٹھے ۔

امریکا میں کئے گئے ایک نئے سروے کے مطابق امریکی صدر جو بائیڈن اپنی مقبولیت کھو چکے ہیں۔سروے میں امریکیوں نے کہا کہ صدر بائیڈن کے اقتدار سنبھالنے کے بعد سے ان کی مالی حالت پہلے سے بدتر ہوچکی ہے۔

سروے کے مطابق 41 فیصد امریکیوں نے کہا  کہ وہ جنوری 2021 میں بائیڈن کے آنے کے بعد سے اب تک سخت مالی مشکلات کا شکار ہوچکے ہیں، جب کہ صرف 16 فیصد کہا  کہ ان کی حالت بہتر ہوئی ہے۔پول میں بائیڈن کے حق میں 42 فیصد اور مخالفت میں 53 فیصد نتائج دکھائے گئے۔ جب آئندہ 2024 کے صدارتی انتخابات کے بارے میں پوچھا گیا تو 62 فیصد امریکیوں نے کہا تھا کہ وہ بائیڈن کے دوبارہ منتخب ہونے سے مایوس یا ناراض ہوں گے، جبکہ صرف 36 فیصد نے کہا کہ وہ پرجوش یا مطمئن ہوں گے