وزیراعظم کا سیلاب متاثرین کی مدد کیلئے بنائےگئےڈیش بورڈپر عدم اعتماد،افتتاح کرنےسےانکار
یوتھ ویژن نیوز (ثاقب غوری سے ) وزیراعظم شہبازشریف نے ڈیش بورڈ کا فوری طور پر افتتاح کرنے سے انکار کردیا ۔تاہم وزیراعظم نے ایک ہفتے تک ڈیش بورڈ کو اپ ڈیٹ کرنے کے بعد افتتاح کا وقت دیدیا
یہ بھی پڑھیں: پاکستان میں سیلاب متاثرین کی امداد پرچین کا شکریہ ادا کرتاہوں، شہبازشریف
تفصیلات کے مطابق وزیراعظم شہبازشریف نے سیلاب متاثرین کی مدد کیلئے رئیل ٹائم ڈیش بورڈ کی کارکردگی پر عدم اعتماد کا اظہار کرتے ہوئے اس کا افتتاح کرنے سے انکار کردیا ۔وزیراعظم نے کہا ہے کہ اس ڈیش بورڈ کو مجموعی نقصان اور ریلیف اقدامات کا اندازہ نہیں لگایا جا سکتا،یہ معلوم ہونا چاہئے کہ امدادی سامان کہاں کہاں جا رہا ہے،کھربوں کا نقصان ہو گیا اور ہمارا ڈیش بورڈ رئیل ٹائم انفارمیشن نہیں دے رہا، ڈیش بورڈ پر بجلی، این ایچ اے اور بحالی کے دیگر منصوبوں کی رئیل ٹائم انفارمیشن ہونی چاہئے،
وزیراعظم نے کہا ہے کہ کھربوں کا نقصان ہوگیا اور ہم ڈیش بورڈ بہتر نہیں کرسکے، ڈیش بورڈ پر ریئل ٹائم اپ ڈیٹ کرنے کی ضرورت ہے،ٹیم کی کاوشوں پر کوئی اعتراض نہیں، لیکن یہ ڈیش بورڈ وہ نہیں جو قوم چاہتی ہے،وزیراعظم نےکہا کہ یہ کیسا ڈیش بورڈ ہے؟یہ مذاق ہورہاہے،آج ڈیش بورڈ کا افتتاح نہیں کرسکتا۔
یہ بھی پڑھیں: اسلام آباد ہائیکورٹ نے عمران خان کی معافی قبول کرلی
وزیراعظم نے کہا ڈیش بورڈ بہتر کریں آج اس کا عارضی افتتاح کر دیتے ہیں، امین الحق صاحب اگلے پیر تک اس کو اپ گریڈ کر لیں،جس پر سیکرٹری انفارمیشن نے کہا کہ وزیراعظم صاحب آپ نے درست نشاندہی کی ،اس کو بہتر کریں گے۔
میں کلاؤڈ برسٹ کے امکانات کا پوچھ رہا ہوں ان کے پاس اس کا کوئی جواب نہیں ،وزیراعظم نے کہا کہ یہ ڈیش بورڈ تو اس معیار کا ہےہی نہیں جو ہمیں چاہیے،اس ڈیش بورڈ سے مجموعی نقصان اور ریلیف اقدامات کا اندازہ نہیں لگایا جا سکتا، ٹیم کی کاوشوں پر اعتراض نہیں، لیکن یہ ڈیش بورڈ وہ نہیں جو قوم چاہتی ہے،سیکرٹری انفارمیشن نے کہا ہے کہ ڈیش بورڈ کی تیاری میں بہت اچھے افراد نے حصہ لیا،
