وزیراعظم کی زیرصدارت سیلاب زدہ علاقوں میں امدادی کاروائیوں کا جائزہ اجلاس
یوتھ ویژن نیوز(واصب غوری سے ) وزیراعظم شہباز شریف نے سیلاب زدہ علاقوں میں بحالی کے کاموں کا جائزہ لینے کے لیے ایک اہم اجلاس کی صدارت کی۔
وزیراعظم شہباز شریف نے سیلاب زدگان میں امدادی اشیا اور اشیائے خورونوش کی بلا تعطل فراہمی کو یقینی بنانے کی خصوصی ہدایت کی.
امدادی اشیاء اور دیگر اشیائے ضروریہ کی فراہمی کے لیے صوبائی حکومتوں سے خصوصی تعاون کرنے کی ہدایت کی گئی تاکہ امدادی کارروائیوں میں در پیش مسائل کو مؤثر طریقے سے حل کیا جا سکے۔
یہ بھی پڑھیں: ٹیکس گوشوارے جمع کرانے کی تاریخ میں توسیع ہوگی
وزیراعظم شہباز شریف نےسیلاب کے تناظر میں اشیاء خوردونوش کی قیمتوں میں اضافے کا نوٹس لیتے ہوئے اشیائے خورونوش کی قیمتوں کے تعین میں درپیش مسائل کو جلد از جلد حل کرنے کی ہدایت کی۔
وزیراعظم شہباز شریف کی خصوصی ہدایت پر امدادی کارروائیوں کی فراہمی اور امدادی کارروائیوں میں شامل افراد کی سکیورٹی کو صوبائی حکومتوں کے تعاون سے مؤثر کرنے کی ہدایت کی گئی.
مزید برآں سیلاب زدگان میں امدادی اشیا اور امدادی رقوم کی ادائیگی میں کسی بھی قسم کی کٹوتی کی شکایات کی روک تھام کے لیے خصوصی اقدامات کرنے کی ہدایت کی گئی۔
وزیراعظم شہباز شریف نے اعلی حکام کو ہدایت کی کے سیلاب کی تباہ کاریوں اور نقصانات کا تخمینہ لگانے کے لیے کام جلد از جلد مکمل کیا جائے۔
اجلاس میں نیشنل فلڈ رسپانس کوآرڈینیشن سینٹر کے حکام کی جانب سے ملک بھر میں سیلاب زدہ علاقوں میں بحالی کے کاموں پر تفصیلی بریفنگ دی گئی.
یہ بھی پڑھیں: ڈپلومیٹک سائفر کی کاپی وزیراعظم ہاؤس کے ریکارڈ سےغائب ہوگئی
اجلاس میں وفاقی وزیر برائے اکنامک افیئرز ڈویژن سردار ایاز صادق، وفاقی وزیر برائے اطلاعات و نشریات مریم اورنگزیب ،وفاقی وزیر برائے پلاننگ اینڈ ڈویلپمنٹ احسن اقبال، وزیر مملکت برائے خارجہ حنا ربانی کھر، کوآرڈینیٹر نیشنل فلڈ رسپانس اینڈ کوآرڈینیشن سنٹر میجر ظفر اقبال، چیئرمین این ڈی ایم اے لیفٹیننٹ جنرل اختر نواز صوبائی حکومتوں کے چیف سیکریٹریز اور ڈی جی پی ڈی ایم اے اور دیگر اعلی حکام نے شرکت کی۔