پنجاب بھرسموگ کا خطرہ،ماہرین نےخبردارکردیا
یوتھ ویژن نیوز (عمران خان )لاہور سمیت پنجاب بھر میں سموگ کاخطرہ ، ماہرین ماحولیات کے مطابق اس مرتبہ سموگ کا ماضی کی نسبت بہت زیادہ ہونے کا امکان موجود ہے۔
یہ بھی پڑھیں: پہلا ٹی ٹونٹی میچ:انگلینڈ کےہاتھوں پاکستان کو6 وکٹوں سےشکست
یادرہےلاہور سمیت پنجاب کے دوسرے صنعتی شہروں میں ماحولیاتی آلودگی موجود ہے، اور سیلاب سے متاثر ہونے والے علاقوں میں کھڑے پانی سے نکلنے والے بخارات کے باعث ہوا میں نمی کا تناسب معمول سے زیادہ بڑھے گا،اس کا اشارہ گذشتہ دوروز سے دہلی میں پڑھنے والی اسموگ سے کیا جاسکتا ہے۔
پنجاب میں ابھی بارشوں کا سلسلہ جاری ہے، اور محکمہ موسمیات کے مطابق اکتوبر کے وسط تک باران رحمت کے جاری رہنے کی صورت میں سموگ کے امکانات کم ہو جائیں گے۔
محکمہ ماحولیات کے مطابق لاہور میں منگل کی دوپہر تک ایئر کوالٹی انڈکس 144 تک ریکارڈ کی گئی، اور یہ لیول انسانی صحت کے لیے مضر ثابت ہو سکتا ہے۔محکمہ ماحولیات پنجاب کے ترجمان نے بتایا کہ اس صورت حال پر قابو پانے کے لیے کاروائیاں تیز کر دی گئی ہیں، جن میں دھواں چھوڑنے والی گاڑیوں، فیکٹریوں اور بھٹہ خشت پر نظر رکھنا، اور کسی خلاف ورزی کی صورت میں ایکشن لینا شامل ہیں۔
یہ بھی پڑھیں: صدرمملکت کی سیلاب متاثرین کو مکانوں کی فراہمی کیلئےاہم تجویز
ترجمان نے مزید بتایا کہ صوبے میں ماحولیاتی آلودگی کی حوصلہ شکنی کو یقینی بنانے کے لیے ایک سپیشل ٹاسک فورس بھی تشکیل دی گئ ہے۔
ماہرین کا کہنا ہے کہ ان بخارات سے نہ صرف صوبے کے جنوبی اضلاع میں دھند بڑھنے کا امکان ہے، بلکہ سیلابی پانیوں سے اوپر جانے والی کثافتوں کے باعث ماحولیاتی آلودگی میں بھی اضافہ ہو گا، اور نمی اور ماحولیاتی آلودگی کا امتزاج سموگ میں اضافے کا سبب بن سکتا ہے۔
