پاکستان میں ‘منکی پاکس’ کے حوالے سے ہائی الرٹ جاری

اسلام آباد (واصب ابراہیم غوری سے ) پاکستان میں منکی پاکس کے حوالے سے ہائی الرٹ جاری کردیا گیا ، جس میں کہا کہ بخار، سر، پٹھوں کا درد منکی پاکس کی اہم علامات ہیں۔

تفصیلات کے مطابق قومی ادارہ صحت نے منکی پاکس کے حوالے سے ہائی الرٹ جاری کر دیا، منکی پاکس کےبارے میں ہائی الرٹ وفاقی، صوبائی اداروں کو جاری کیا گیا۔

قومی ادارہ صحت نے کہا ہے کہ مختلف ممالک میں منکی پاکس کے 92 مصدقہ کیسز سامنے آچکے ہیں ، منکی پاکس زونوٹک وائرس سےلاحق ہونے والامرض ہے ، افریقی چوہے اور بندر منکی پاکس کےانسانوں میں منتقلی کاسبب بن رہے ہیں۔

الرٹ میں کہا گیا ہے کہ منکی پاکس کی علامات 1سے 3 روز میں ظاہرہوتی ہیں اور اس سے مریض کے چہرے، جلد پر سرخ نشانات ظاہر ہوتے ہیں، بخار، سر، پٹھوں کا درد منکی پاکس کی اہم علامات ہیں۔

قومی ادارہ صحت کا کہنا تھا کہ منکی پاکس بیماری کی مدت دو تا چار ہفتے ہوتی ہے، یہ متاثرہ جانور سے انسانوں کو منتقل ہوتا ہے۔

این آئی ایچ نے بتایا کہ منکی پاکس منہ، ناک، آنکھ، زخم سے وجود میں داخل ہوتاہے اور میل جول ، کپڑوں اور رطوبت سے دوسرے فرد کو منتقل ہوتا ہے۔.

الرٹ میں وفاقی اور صوبائی متعلقہ ادارے منکی پاکس پر ہائی الرٹ رہیں اور ملک کےداخلی راستوں پرمنکی پاکس سےمتعلق نگرانی سخت کریں