اپنی وزرات اعلی خطرے میں دیکھ کر پرویز الہیٰ متحرک ہوگئے

یوتھ ویژن نیوز (مظہر چشتی سے )  اپوزیشن اتحاد کی جانب سے پنجاب حکومت گرائے جانے سے متعلق خبروں کے بعد وزیراعلیٰ پنجاب پرویز الہیٰ متحرک ہوگئے۔

تفصیلات کے مطابق وزیراعلیٰ پنجاب کی زیر صدارت ق لیگ کی پارلیمانی کمیٹی کا اجلاس ہوا جس میں  ق لیگ کے 10 میں سے 9 ارکان نے شرکت کی۔

یہ بھی پڑھیں: سیاسی جماعتوں کےسخت ردعمل پرتحمل کا مظاہرہ کیا،چیف جسٹس عمرعطا بندیال

ان ارکان اسمبلی میں ساجد بھٹی، حافظ عمار یاسر ، شجاعت نواز  ، عبداللہ وڑائچ ، محمد رضوان ، احسان الحق ، محمد افضل ، خدیجہ عمر اور باسمہ چودھری شامل تھے۔

اجلاس کے دوران  ق لیگ کی پارلیمانی پارٹی نے پرویز الہیٰ پر مکمل اعتماد کا اظہار کیا اور کہا ہم پرویز الہیٰ کیساتھ کھڑے ہیں اور کھڑے رہیں گے۔

یہ بھی پڑھیں: شدید بارشوں کا ایک اور الرٹ،محکمہ موسمیات نے خطرے کی گھنٹی بجا دی

وزیراعلیٰ پنجاب پرویز الہیٰ کا اس موقع پر کہنا تھا کہ مسلم لیگ ق متحد ہے اور متحد رہے گی۔  پنجاب کی عوام کے خدمت کے سفر کو مل کر مزید تیزی سے آگے بڑھائیں گے۔افواہیں پھیلانے والے مخصوص ایجنڈے پر چل رہے ہیں۔