سندھ حکومت کا 23 مارچ کو عام تعطیل کا اعلان

یوتھ ویژن نیوز : (صائمہ معظم سے) حکومت سندھ نے 23 مارچ 2026 کو صوبے بھر میں عام تعطیل کا اعلان کر دیا ہے۔ صوبائی حکومت کی جانب سے جاری نوٹیفکیشن میں واضح کیا گیا ہے کہ یوم پاکستان کے موقع پر یہ تعطیل تمام سرکاری دفاتر، اداروں، حکومت سندھ کے زیر انتظام کارپوریشنز اور بلدیاتی اداروں میں لاگو ہوگی۔

حکام کا کہنا ہے کہ تعطیل کے دوران صرف وہ دفاتر اور ادارے کام کریں گے جو ضروری نوعیت کی خدمات فراہم کرتے ہیں، تاکہ عوامی سہولیات متاثر نہ ہوں۔ نوٹیفکیشن میں یہ بھی ذکر کیا گیا ہے کہ دیگر تمام سرکاری محکمے اور دفاتر یوم پاکستان کے سلسلے میں بند رہیں گے۔

حکومت سندھ نے جاں بحق افراد کے اہل خانہ کے لیے فی خاندان 1 کروڑ روپے کی امداد کا اعلان کر دیا

سندھ حکومت کے اس اعلان سے عوام اور سرکاری ملازمین میں خوشی کی لہر دوڑ گئی ہے، جبکہ متعدد شہری سوشل میڈیا پر بھی اس خبر کا خیرمقدم کر رہے ہیں۔ خصوصی طور پر کراچی اور دیگر شہروں میں یوم پاکستان کی تقریبات اور ثقافتی پروگراموں کے انعقاد کے لیے یہ تعطیل اہم موقع فراہم کرے گی۔

اس سے قبل، حکومت سندھ نے ہر سال یوم پاکستان کے موقع پر صوبے بھر میں عام تعطیل کا اعلان کیا ہے، تاکہ عوام کو قومی دن کی اہمیت یاد دلائی جا سکے اور سرکاری محکموں میں یوم پاکستان کی تقریبات کو کامیابی سے منایا جا سکے۔