اسلام آباد مذاکرات: ایران کی شرکت پر تاحال جواب نہیں آسکا، وفاقی وزیرِ اطلاعت و نشریات عطا تارڑ

یوتھ ویژن نیوز : (اسلام آباد ) وفاقی وزیر اطلاعات و نشریات عطا تارڑ نے کہا ہے کہ اسلام آباد میں متوقع مذاکرات کے دوسرے دور میں شرکت کے حوالے سے ایران کی جانب سے تاحال کوئی حتمی جواب موصول نہیں ہوا، جبکہ پاکستان بطور ثالث سفارتی رابطے جاری رکھے ہوئے ہے۔

ایران سے جواب کا انتظار

عطا تارڑ نے سوشل میڈیا پر جاری بیان میں کہا کہ ایران کی جانب سے مذاکرات میں شرکت کی تصدیق ابھی تک سامنے نہیں آئی۔ ان کے مطابق یہ فیصلہ آئندہ پیش رفت کے لیے نہایت اہمیت رکھتا ہے۔

پاکستان کا سفارتی کردار

وزیر اطلاعات کا کہنا تھا کہ پاکستان مسلسل ایران کے ساتھ رابطے میں ہے اور مسئلے کے حل کے لیے سفارت کاری اور مذاکرات کے راستے پر عمل پیرا ہے۔ انہوں نے کہا کہ پاکستان خطے میں امن کے قیام کے لیے سنجیدہ کوششیں کر رہا ہے۔

جنگ بندی اور مذاکرات

انہوں نے بتایا کہ موجودہ جنگ بندی 22 اپریل کو صبح 4 بج کر 50 منٹ پر ختم ہو رہی ہے، جس کے باعث مذاکرات کے دوسرے دور کی اہمیت مزید بڑھ گئی ہے۔

مذاکرات کے دوسرے مرحلے کی کوششیں

عطا تارڑ کے مطابق پاکستان ایران کو مذاکرات میں شامل ہونے پر آمادہ کرنے کی کوشش کر رہا ہے اور دوسرے مرحلے کے لیے سفارتی سطح پر اقدامات جاری ہیں۔

خطے میں امن کی کوششیں

تجزیہ کاروں کے مطابق اسلام آباد میں ممکنہ مذاکرات خطے میں کشیدگی کم کرنے کے لیے اہم پیش رفت ہو سکتے ہیں، تاہم ایران کی شرکت اس عمل کی کامیابی کے لیے کلیدی حیثیت رکھتی ہے۔