فیلڈ مارشل سید عاصم منیر 2 روزہ سرکاری دورے پر ترکیہ پہنچ گئے، اہم ملاقاتیں متوقع

اسلام آباد (یوتھ ویژن نیوز) – فیلڈ مارشل سید عاصم منیر، نشانِ امتیاز (ملٹری)، ہلالِ جرات، چیف آف آرمی اسٹاف اور چیف آف ڈیفنس فورسز دو روزہ سرکاری دورے پر ترکیہ پہنچ گئے، جہاں ان کا پرتپاک استقبال کیا گیا۔

ترکیہ آمد پر پرتپاک استقبال

سکیورٹی ذرائع کے مطابق فیلڈ مارشل سید عاصم منیر کی ترکیہ آمد پر اعلیٰ حکام نے ان کا خیرمقدم کیا۔ یہ دورہ پاکستان اور ترکیہ کے درمیان دیرینہ دفاعی اور اسٹریٹجک تعلقات کو مزید مضبوط بنانے کی کوششوں کا حصہ قرار دیا جا رہا ہے۔

اعلیٰ عسکری و سیاسی قیادت سے ملاقاتیں

ذرائع کے مطابق فیلڈ مارشل سید عاصم منیر اپنے دورۂ ترکیہ کے دوران ترک عسکری اور سیاسی قیادت سے اہم ملاقاتیں کریں گے، جن میں دوطرفہ دفاعی تعاون، علاقائی سلامتی، پیشہ ورانہ عسکری روابط اور باہمی دلچسپی کے دیگر اہم امور پر تبادلہ خیال متوقع ہے۔

پاک۔ترکیہ دفاعی تعلقات مزید مضبوط بنانے پر توجہ

پاکستان اور ترکیہ کے درمیان دفاع، سلامتی، تربیت اور عسکری تعاون کے شعبوں میں قریبی روابط موجود ہیں۔ مبصرین کے مطابق یہ دورہ دونوں برادر ممالک کے درمیان دفاعی شراکت داری کو مزید فروغ دینے اور علاقائی استحکام کے لیے تعاون کو وسعت دینے میں اہم پیش رفت ثابت ہو سکتا ہے۔