پولیو سے بچاؤ کی سہ روزہ مہم 28 فرو ری سے شروع کرنے کا فیصلہ

بہاول پور (قاری عاشق حسین سے )پولیو سے بچاؤ کی سہ روزہ مہم 28 فرو ری سے شروع ہوگی اس دوران ضلع بھر میں پانچ سال تک کی عمر کے 7 لاکھ 60ہزار سے زائد بچوں کو گھر گھر جا کر پولیو سے محفوظ رکھنے کے لیے پولیو ویکسین پلائی جائے گی۔ اس سلسلہ میں انتظامات کا جائزہ لینے کے لیے اجلاس ڈپٹی کمشنر عرفان علی کاٹھیا کی زیر صدارت دفترکے کمیٹی روم میں منعقد ہوا۔ اس موقع پر سی ای او ہیلتھ ڈاکٹر محمد اقبال، ڈی ایچ او پریوینٹو سروس، ڈاکٹر خالد محمود ارائیں، ڈسٹرکٹ کوآرڈی نیٹر و ڈی ایچ او ڈاکٹر خالد چنڑ، ڈبلیو ایچ او کے نمائندہ ڈاکٹر یاسر، ڈاکٹر مسعود، ضلع بھر کے ڈپٹی ڈسٹرکٹ آفیسرز ہیلتھ، اے ایم ایس بہاول وکٹوریہ ہسپتال ڈاکٹر اعجاز رسول اور دیگر متعلقہ محکموں نے ہدایت کی کہ انسداد پولیو مہم کامیابی سے ہمکنار کرنے کے لیے تمام متعلقہ محکموں کے افسران و سٹاف اپنا بھرپور کردار ادا کریں۔ انہوں نے کہا کہ پولیو ٹیمیں بہتر انداز میں خدمات سرانجام دیں اور مہم کے دوران پانچ سال تک کی عمر کا ایک بچہ بھی پولیو کی خوراک سے محروم نہ رہے۔ ڈی ایچ او ڈاکٹر خالد محمود ارائیں نے بریفنگ میں بتایا کہ انسداد پولیو مہم کے دوران 28 فروری سے2 مارچ تک پولیو ٹیمیں گھر گھر جا کر پانچ سال تک کی عمر کے بچوں کو پولیو سے بچاؤ کے قطرے پلائیں گی جبکہ اس دوران رہ جانے والے بچوں کو3 اور4مارچ کو کیچ اپ ڈے کے طور پر پولیو ویکسین پلائی جائے گی۔ اس مہم کو کامیاب بنانے کے لیے2343موبائل ٹیمیں،173فکسڈ ٹیمیں اور133ٹرانزٹ ٹیمیں تشکیل دی گئی ہیں۔