یو اے ای وزیرِ پیٹرولیم نے ایران کے خلاف کارروائی کا مطالبہ، آبنائے ہرمز کھولنے کی عالمی اپیل
یوتھ ویژن نیوز : (ویب ڈسک) ابوظبی: متحدہ عرب امارات کے وزیرِ پیٹرولیم اور ایڈنوک کے سربراہ سلطان احمد الجابر نے عالمی برادری پر زور دیا ہے کہ وہ آبنائے ہرمز کو کھلا رکھنے کے لیے ایران کے خلاف فوری اور فیصلہ کن اقدامات کرے۔ اپنے ایک اہم بیان میں الجابر نے کہا کہ ایرانی مداخلت نہ صرف خطے بلکہ عالمی توانائی کی سپلائی چین کے لیے سنگین خطرہ ہے اور اس سے تیل و گیس کی عالمی ترسیل متاثر ہو سکتی ہے۔
سلطان احمد الجابر نے خبردار کیا کہ اگر آبنائے ہرمز پر رکاوٹ آئی تو اس کے اثرات عالمی معیشت پر شدید ہوں گے، جس سے توانائی کی قیمتیں بڑھیں گی اور تجارتی سرگرمیوں میں خلل پیدا ہوگا۔ انہوں نے مزید کہا کہ اقوامِ متحدہ کی سلامتی کونسل کو فوری اور مؤثر کردار ادا کرنا چاہیے تاکہ کشیدگی کم کی جا سکے اور عالمی امن و استحکام برقرار رہے۔
مزید پڑھیں : خلیجی ممالک آبنائے ہرمز بائی پاس کرنے کے لیے نئی پائپ لائن منصوبے پر غور
یو اے ای وزیرِ پیٹرولیم نے اس بات پر بھی زور دیا کہ آبنائے ہرمز عالمی سطح پر توانائی کی ترسیل کا اہم ترین راستہ ہے، اور اس کی بندش سے نہ صرف خطے بلکہ پوری دنیا کی توانائی مارکیٹ متاثر ہو سکتی ہے۔ الجابر کی یہ اپیل اس وقت سامنے آئی ہے جب توانائی کے عالمی شعبے میں ایران اور خطے کے دیگر ممالک کے درمیان کشیدگی میں اضافہ ہو رہا ہے۔
ان کے بیانات کو بین الاقوامی سطح پر اہمیت دی جا رہی ہے کیونکہ وہ عالمی توانائی کے شعبے میں ایک بااثر شخصیت ہیں اور ان کی تجاویز عالمی حکمت عملی اور تجارتی فیصلہ سازی میں اثر ڈالتی ہیں۔
