فخر زمان نے تاریخ بنا دی! ٹی20 ورلڈکپ میں 99 چھکے لگانے والے پہلے پاکستانی بیٹر بن گئے
یوتھ ویژن نیوز : (سپورٹس ذرائع) پاکستانی کرکٹ کے دھواں دار اوپنر فخر زمان نے ایک اور تاریخی اعزاز اپنے نام کر لیا ہے۔ وہ ٹی20 ورلڈکپ میں 99 چھکے لگانے والے پہلے پاکستانی بیٹر بن گئے ہیں۔ یہ کارنامہ انہوں نے سری لنکا کے خلاف کھیلے جا رہے میچ کے دوران انجام دیا۔
میچ کے تیسرے اوور میں سری لنکا کے اسپنر مہیش تھیکشانا کی ایک گیند کو فخر زمان نے شاندار طریقے سے چھکا لگا کر نہ صرف اپنی اننگز کو جلا بخشی بلکہ قومی سطح پر ایک بڑا ریکارڈ بھی اپنے نام کر لیا۔ یہ ان کا 96 واں چھکا تھا، جس کے ساتھ ہی انہوں نے محمد رضوان کے 95 چھکوں کے ریکارڈ کو پیچھے چھوڑ دیا۔ اب فخر زمان کے نام مجموعی طور پر 99 چھکے درج ہو چکے ہیں، جو کسی بھی پاکستانی بیٹر کی جانب سےٹی20 ورلڈکپ میں سب سے زیادہ ہیں۔
ٹی 20 ورلڈ کپ سپر 8: پاکستان کا نیوزی لینڈ کے خلاف ٹاس جیت کر بیٹنگ کا فیصلہ
ٹی20 ورلڈکپ میں پاکستانی بیٹرز کی چھکوں کی فہرست پر نظر ڈالیں تو فخر زمان 120 میچز میں 99 چھکے لگا کر سرفہرست ہیں۔ ان کے بعد محمد رضوان دوسرے نمبر پر ہیں جنہوں نے 106 میچز میں 95 چھکے لگائے ہیں۔ قومی ٹیم کے کپتان بابر اعظم 145 میچز میں 80 چھکے لگا کر تیسرے نمبر پر ہیں جبکہ سابق آل راؤنڈر محمد حفیظ 119 میچز میں 76 چھکے لگا کر چوتھے نمبر پر ہیں۔
یہ ریکارڈ فخر زمان کی جارحانہ بیٹنگ اور پاکستان کے لیے میچ جتوانے کی صلاحیتوں کا منہ بولتا ثبوت ہے۔ ان کا یہ کارنامہ نہ صرف ان کے مداحوں کے لیے خوشی کا باعث ہے بلکہ پاکستانی کرکٹ کے فروغ کے لیے بھی ایک سنگ میل کی حیثیت رکھتا ہے۔ کرکٹ ماہرین کا ماننا ہے کہ فخر زمان کی یہ فارم آئندہ آنے والے ٹی 20 ورلڈ کپ کے لیے پاکستان کے لیے ایک اہم اثاثہ ثابت ہو سکتی ہے۔
