مصنف و ہدایتکار شفیق الر حمان عامر کی نئی فلم”دیوانہ“ کی عکسبندی انگلینڈ میں مکمل
اسلام آباد (ایف نعیم مردانوی) پائن فلمز کے بینر تلے بننے والی مصنف و ہدایتکارشفیق الرحمان عامر کی نئی اُردو فلم ”دیوانہ“کی عکسبندی انگلینڈ میں مکمل ہوچکی ہے اور اِن دنوں ڈبنگ کے ساتھ ساتھ اِس فلم کی پوسٹ پروڈکشن کا کام بھی جاری ہے جسے بہت جلد مکمل کرلیا جائے گا۔انگلینڈ کے پس منظر میں بننے والی ملٹی کلچرل فلم ”دیوانہ“ کی کاسٹ میں شامل ذیادہ تر اداکاروں کا تعلق برطانیہ سے ہیں اور اِس فلم کی کہانی کے کرداروں کے مطابق اُردو، پنجابی اور انگریزی زُبان کا استعمال بہت خوبصورت انداز میں کیا گیا ہے۔اِس فلم کے مصنف و ہدایتکار شفیق الر حمان عامر ہے جبکہ اِس فلم کے فلمساز محمد سجاد برمنگھم بیسڈ ہیں۔
فلم ”دیوانہ“ کی موسیقی پاکستان کے صف او ل کے موسیقار ایم ارشد نے دی ہے۔فلم کے لائن پروڈیوسر مسٹر بوب، کیمرہ مین ویر بھان سنگھ اور امجد ہیں۔فلم ”دیوانہ“ کا مرکزی کردار عدنان خان نے ادا کیا ہے جبکہ دیگر کاسٹ میں زارا اکبر، نائلہ خان، شیری سنگھ، نثار سمائلر، ظہیر رفیق، شازیہ بھٹی، عمران خان، را جہ اقبال، ارشد تبسم، وقاص، امجد خواجہ کیانی، ایلس، بوب سنگھ، امین گوندل، محمود سلطان اور چائلڈ سٹار ارسل شفیق کے نام شامل ہیں
