دشمن حملہ کسی بھی ملک سے ہو، ایران بھرپور جواب دے گا: ایرانی صدر

یوتھ ویژن نیوز : (ویب ڈسک) ایرانی صدر مسعود پزشکیان نے کہا ہے کہ اگر کسی بھی ملک کی سرزمین سے ایران پر حملہ ہوا تو اس کا جواب دینا ایران کا حق ہے، خطے کے ممالک کو مل کر سازشیں ناکام بنانی چاہئیں۔

تہران: ایران کے صدر Masoud Pezeshkian نے کہا ہے کہ اگر کسی بھی ملک کی سرزمین سے ایران پر دشمنانہ حملہ کیا گیا تو اس کا جواب دینا ایران کا حق ہے۔

ایرانی میڈیا کے مطابق صدر Masoud Pezeshkian کا کہنا تھا کہ اگر دشمن کسی بھی ملک سے ایران کی حدود پر حملہ یا دراندازی کرتا ہے تو ایران کو اس کا جواب دینا ہوگا۔ انہوں نے واضح کیا کہ اس کا مطلب یہ نہیں کہ ایران اس ملک کے عوام کے ساتھ تعلقات خراب کرنا چاہتا ہے۔

ایران میں نئے سپریم لیڈر کے انتخاب پر اتفاق، اسرائیل کی جانشین کو مارنے کی دھمکی

انہوں نے خطے کے ممالک کو ایران کے دوست اور بھائی قرار دیتے ہوئے کہا کہ سب کو مل کر امریکا اور اسرائیل کی سازشوں کو ناکام بنانا چاہیے۔

ایرانی صدر نے اس بات پر زور دیا کہ ایران اور اس کے ہمسایہ ممالک کو اپنے اختلافات باہمی طور پر حل کرنے چاہئیں اور دشمنوں کی ان کوششوں کو ناکام بنانا چاہیے جو خطے کو جنگ کی طرف دھکیلنا چاہتے ہیں۔

انہوں نے مزید کہا کہ جو عناصر ایران پر حملہ کرتے ہیں، ایران ان کے خلاف مضبوطی سے کھڑا ہے اور بھرپور جواب دے رہا ہے۔ صدر کے مطابق ایرانی مسلح افواج اور رضاکار فورس Basij ملک بھر میں موجود ہیں اور پوری طاقت کے ساتھ دفاع کے لیے تیار ہیں۔