پاکستان نےسنسنی خیزمقابلےکےبعد بھارت کو5 وکٹوں سےشکست دے دی
ایشیا کپ 2022 کا سنسنی خیز معرکہ۔ پاکستان نے کانٹے دار مقابلے کے بعد بھارت کو 5 وکٹوں سے شکست دے کر بدلہ چکا دیا۔ محمدر ضوان نے 51 گیندوں پر 71 رنز کی شاندار اننگز کھیلی۔
182 رنز ہدف کے تعاقب میں پاکستان کی جانب سے کپتان بابر اعظم اور محمد رضوان نے اننگز کا آغاز کیا، کپتان بابر اعظم 2 چوکوں کی مدد سے 10 گیندوں پر 14 رنز بناکر روی بشنوئی کی گیند پر روہت شرما کو کیچ دے بیٹھے، فخر زمان 2 چوکوں کی مدد سے 18 گیندوں پر 15 رنز بناکر چاہل کی گیند پر کوہلی کے ہاتھوں کیچ آؤٹ ہوگئے۔
محمد نواز کو اوپر بھیجنا بھارت کے لئے سرپرائز ثابت ہوا اور انہوں نے جارحانہ بلے بازی کا مظاہرہ کرتے ہوئے 2 چھکوں اور 6 چوکوں کی مدد سے 20 گیندوں پر 42 رنز کی اننگز کھیلی، تاہم وہ بھوونیشور کمار کو چھکا مارنے کی کوشش میں دیپک ہوڈا کو باؤنڈری لائن پر کیچ تھما بیٹھے۔
محمد رضوان نے ایک مرتبہ پھر شاندار بلے بازی کا مظاہرہ کیا اور 2 چھکوں ، 6 چوکوں کی مدد سے 51 گیندوں پر 71 رنز بناکر ہاردیک پانڈیا کی گیند پر سوریا کمار یادیو کے ہاتھوں کیچ آؤٹ ہوگئے۔
اس طرح پاکستان نے 19 اعشاریہ 5 اوورز میں 5 وکٹ کے نقصان پر 182 رنز کا ہدف پورا حاصل کرلیا، خوشدل شاہ اور افتخار احمد ناقابل شکست رہے
بھارت کی اوپننگ جوڑی نے ابتدا میں اچھی بیٹنگ کی اور پہلے 5 اوورز میں بغیر کسی نقصان کے 54 رنز بنائے۔
پاکستانی باؤلرز کی جوڑی محمد حسنین اور نسیم شاہ بیٹنگ پاوور پلے میں کوئی وکٹ نہ لے سکے۔اس کے بعد حارث رؤف نے بھارتی کپتان روہت شرما کو آؤٹ کرکےاوپننگ پارٹنر شپ توڑی۔
یہ بھی پڑھیں: ایشیا کپ:بھارت کاپاکستان کوجیت کیلئے182رنزکا ہدف
