دعا زہرہ اورشوہرظہیراحمد دونوں کوگرفتارکاحکم

کراچی( عمران قذافی سے ) محکمہ داخلہ سندھ نے پولیس کو کراچی سے مبینہ طور پر اغواء ہونے والی 15سالہ لڑکی دعا زہرہ کو بازیاب کرنے اور اس کے‘شوہر’ظہیر احمد کو گرفتار کرنے کی اجازت دے دی ہے۔
رپورٹ کے مطابق محکمہ داخلہ سندھ کی جانب سے اپنے خط میں اینٹی وائلنٹ کرائم سیل (اے وی سی سی) کو دعا کی بازیابی اور اغوا کیس میں ظہیر احمد کی گرفتاری کے احکامات جاری کیے ہیں۔
حکومتی حکم کے مطابق،“انچارج پولیس پارٹی کو گرفتاری کے بعد عدالت سے ٹرانزٹ ریمانڈ حاصل کرنا چاہیے۔”خط میں لکھا گیا کہ ملزم اور مغوی کو کراچی منتقل کرتے وقت انسانی حقوق کا خیال رکھیں۔
خط کے مطابق“افسر انچارج کو اس بات کا بھی خیال رکھنا چاہیے کہ فریق مخالف کا کوئی فرد ملزم کے ساتھ سفر نہ کرے۔دعا زہرہ کو صحت یابی کے بعد محکمہ داخلہ پنجاب کی اجازت سے کراچی منتقل کیا جائے گا۔
ہفتے کے روز دعا زہرہ کیس کے تفتیشی افسر نے عدالت کو آگاہ کیا کہ اغوا کے واقعے کے دن 16 اپریل کو ظہیر احمد کی کراچی میں موجودگی کی تصدیق ہوگئی ہے۔
عدالت میں پیش کی گئی پیش رفت رپورٹ میں، آئی او نے کہا کہ سی ڈی آر ریکارڈ حاصل کر لیا گیا ہے۔ ملزم ظہیر احمد 16 اپریل کو کراچی میں موجود تھا۔
آئی او نے اپنی پیش رفت رپورٹ میں کہا کہ ملزم کے خلاف کیس کا چالان عدالت میں جمع کرایا جائے گا،“سی ڈی آر کے بعد ہمارے پاس ملزم کے خلاف ٹھوس شواہد موجود ہیں۔پولیس نے کیس میں کم عمری کی شادی سے متعلق شقیں رکھنے کے لیے عدالت سے اجازت طلب کی۔
کراچی سے تعلق رکھنے والی نو عمر لڑکی دعا زہرہ 16 اپریل کو کراچی میں اپنے گھر سے لاپتہ ہوگئی تھی اور بعد میں منظر عام پر آئی اور لاہور میں ظہیر سے شادی کرنے کا اعلان کیا۔