جنید صفدر کے ولیمے میں وزیراعلیٰ مریم نواز کا انوکھا انداز، تصاویر سوشل میڈیا پر وائرل
یوتھ ویژن نیوز : ( امجد محمود بھٹی سے) جنید صفدر کے ولیمے میں مریم نواز کا انداز سوشل میڈیا پر وائرل، جاتی امرا میں منعقد تقریب کی تصاویر نے توجہ حاصل کر لی۔
لاہور میں وزیرِ اعلیٰ پنجاب مریم نواز کے صاحبزادے جنید صفدر کے دعوتِ ولیمہ کی تقریب نے سوشل میڈیا پر غیر معمولی توجہ حاصل کر لی ہے، جہاں جاتی امرا فارم ہاؤس میں منعقد ہونے والی اس نجی مگر باوقار تقریب میں ملکی سیاسی، عسکری اور سماجی شخصیات کی بڑی تعداد نے شرکت کی۔
جبکہ تقریب کی سب سے نمایاں جھلک وزیرِ اعلیٰ پنجاب مریم نواز کی موجودگی اور ان کا روایتی مگر نفیس انداز قرار پایا، جس کی تصاویر دیکھتے ہی دیکھتے مختلف سوشل میڈیا پلیٹ فارمز پر وائرل ہو گئیں؛ تقریب میں فیلڈ مارشل سید عاصم منیر سمیت وفاقی و صوبائی وزرا، اعلیٰ حکومتی عہدیداران اور سیاسی رہنماؤں نے شرکت کی، جبکہ تقریب کی سکیورٹی اور انتظامات کو غیر معمولی رکھا گیا تھا۔
لودھراں بدلنے لگا، وزیر اعلیٰ مریم نواز کے ویژن پر شہر کی بیوٹیفکیشن، جدید لائٹس اور ماڈل مارکیٹ کا اعلان
مریم نواز نے اس موقع پر روایتی پاکستانی لباس زیب تن کر رکھا تھا جس میں ان کا انداز سادہ مگر پُروقار نظر آیا، اور یہی وجہ ہے کہ صارفین کی بڑی تعداد نے ان کے لباس، شخصیت اور اعتماد کو سراہتے ہوئے مثبت تبصرے کیے۔
سوشل میڈیا پر شیئر ہونے والی تصاویر اور ویڈیوز میں مریم نواز کو اہلِ خانہ اور مہمانوں کے ساتھ خوشگوار موڈ میں دیکھا جا سکتا ہے، جنید صفدر اور ان کی اہلیہ شانزے علی روحیل کی ولیمے کی اس تقریب میں تقریباً آٹھ سو مہمانوں نے شرکت کی، جہاں روایتی موسیقی اور سادہ مگر خوبصورت سجاوٹ نے تقریب کو مزید یادگار بنا دیا، صارفین کی جانب سے مریم نواز کے لباس کو ثقافتی شناخت سے جوڑتے ہوئے اسے پاکستانی روایات کی عکاسی قرار دیا جا رہا ہے۔
جبکہ کئی صارفین نے تقریب کی نجی نوعیت اور سادگی کو بھی سراہا، سیاسی مبصرین کے مطابق اس طرح کی تقریبات میں عوامی دلچسپی اس بات کی غماز ہے کہ عوام نہ صرف سیاسی قیادت کی کارکردگی بلکہ ان کی سماجی موجودگی کو بھی گہری نظر سے دیکھتے ہیں، واضح رہے کہ جنید صفدر کی شادی رواں برس شانزے علی روحیل سے انجام پائی تھی، اور ولیمے کی تقریب اس شادی کی آخری بڑی تقریب تھی، جس کے بعد تصاویر اور ویڈیوز کے ذریعے یہ ایونٹ سوشل میڈیا پر ٹرینڈ کرنے لگا، جہاں صارفین کی بڑی تعداد نے اسے دن کی سب سے زیادہ زیرِ بحث خبر قرار دیا۔
