کور کمانڈرز کانفرنس کا دوٹوک پیغام: قومی سلامتی پر کوئی سمجھوتہ نہیں

یوتھ ویژن نیوز : (ثاقب ابراہیم سے) کور کمانڈرز کانفرنس میں واضح پیغام دیا گیا کہ قومی یکجہتی، سلامتی اور استحکام کو نقصان پہنچانے کی کسی کو اجازت نہیں دی جائے گی۔

راولپنڈی میں پاک فوج کی 273ویں کور کمانڈرز کانفرنس میں اس عزم کا اعادہ کیا گیا ہے کہ قومی یکجہتی، سلامتی اور استحکام کو نقصان پہنچانے کی کسی کو اجاکانفرنس میں اس بات پر زور دیا گیا کہ بھارتی سرپرستی میں کام کرنے والے تمام دہشت گردوں، ان کے سہولت کاروں اور معاونین کے ساتھ بلا تفریق اور بغیر کسی رعایت کے نمٹا جائے گا۔

پاک فوج کے شعبہ تعلقات عامہ کے مطابق فورم نے حالیہ دہشت گردی کے واقعات میں شہید ہونے والوں کے لیے فاتحہ خوانی کی اور مادرِ وطن کے دفاع میں جانوں کا نذرانہ پیش کرنے والوں کو خراجِ عقیدت پیش کیا۔ فورم نے غیر ملکی ایما پر دہشت گردی کے فروغ کے خلاف سکیورٹی فورسز کی قربانیوں اور پیشہ ورانہ مہارت کو سراہا۔

کانفرنس میں اس بات پر زور دیا گیا کہ بھارتی سرپرستی میں کام کرنے والے تمام دہشت گردوں، ان کے سہولت کاروں اور معاونین کے ساتھ بلا تفریق اور بغیر کسی رعایت کے نمٹا جائے گا۔ شرکاء نے ملک بھر میں انٹیلی جنس پر مبنی انسداد دہشت گردی کارروائیوں میں افواجِ پاکستان کی کاوشوں کو سراہا اور دہشت گردی، جرائم اور سیاسی مفادات کے کسی بھی گٹھ جوڑ کو یکسر مسترد کر دیا۔

فیلڈ مارشل عاصم منیر نے کہا کہ حکومت اور پاک فوج کی مشترکہ کوششوں سے ملک بتدریج استحکام کی جانب گامزن ہے اور پاکستانی عوام کی ثابت قدم حمایت کے باعث پاکستان عزت و وقار کی راہ پر آگے بڑھ رہا ہے۔ فورم نے واضح کیا کہ مسلح افواج اور عوام کے درمیان تفرقہ پیدا کرنے کی کسی بھی کوشش کو ہرگز کامیاب نہیں ہونے دیا جائے گا۔

کانفرنس میں بلوچستان میں حکومت کے خصوصی ترقیاتی اقدامات کو سراہتے ہوئے کہا گیا کہ ایسے اقدامات دہشت گردی کے سماجی عوامل کے خاتمے میں مددگار ثابت ہو رہے ہیں، جبکہ دیگر علاقوں میں بھی اسی طرز کی حکمت عملی اپنانے پر زور دیا گیا۔ شرکاء نے کشمیری عوام کے حقِ خودارادیت کے لیے پاکستان کی حمایت کا اعادہ کیا اور مسئلہ فلسطین پر پاکستان کے اصولی مؤقف کی توثیق کرتے ہوئے غزہ میں فوری اور مستقل جنگ بندی اور انسانی امداد کی بلا روک ٹوک فراہمی کا مطالبہ کیا۔

کانفرنس کے اختتام پر آرمی چیف نے کمانڈرز کو آپریشنل تیاری، نظم و ضبط، تربیت، جدید جدتوں اور میدانِ جنگ میں پیشہ ورانہ مہارت کے اعلیٰ معیار کو برقرار رکھنے کی ہدایت کی۔