اسلامیہ یونیورسٹی بہاولپور میں تین روزہ سلیکشن بورڈ کا اجلاس اختتام پذیر ہو گیا۔
بہاول پور(علی رضا غوری سے )اسلامیہ یونیورسٹی بہاولپور میں تین روزہ سلیکشن بورڈ کا اجلاس وائس چانسلر پروفیسر ڈاکٹر اطہر محبوب کی زیر صدارت بغدادالجدید کیمپس میں اختتام پذیر ہو گیا۔ اجلاس میںبورڈ اراکین ڈاکٹر محمد افضل ، رکن صوبائی اسمبلی و ممبر سینڈیکیٹ،ڈاکٹر حمید رضا صدیقی، ممبر سینڈیکیٹ اورڈاکٹر مظہر سعید، چیئرمین بورڈ آفس بہاولپور ،رجسٹرار پروفیسر ڈاکٹر معظم جمیل ، ایڈیشنل رجسٹرار عارف رموزاور مختلف جامعات سے آئے ہوئے مضامین کے ماہر شریک ہوئے۔ اجلاس میں اسسٹنٹ پروفیسر کی تعیناتی کے لیے شعبہ اینوائرمنٹل سائنسزاور بہاولپور ، بہاولنگر اور رحیم یار خان کیمپسزکے لیے لیکچرار کی تعیناتی کے لیے شعبہ پاکستان سٹڈیز، فزکس، انسٹی ٹیوٹ آف ایگرو انڈسٹری اینڈ اینوائرمنٹل، ایگرانومی، ہارٹیکلچر، پلانٹ بریڈنگ اینڈ جینیٹکس، پلانٹ پتھالوجی، فارسٹری رینج اینڈ وائلڈ لائف مینجمنٹ، فوڈ سائنس اینڈ ٹیکنالوجی، سوائل سائنس، جیوگرافی، ریاضی اور اسلامک سٹڈیز کے لیے امیدواروں سے انٹرویو کیے گئے۔