وزیراعظم شہباز شریف کا حساس قیمتوں کی سالانہ شرح میں تاریخی کمی پر اظہارِ اطمینان
یوتھ ویژن : ( عمران قذافی سے ) وزیراعظم محمد شہباز شریف نے حساس قیمتوں کے اشاریے (SPI) میں سالانہ بنیادوں پر نمایاں کمی منفی 3.52 فیصد تک پر گہری خوشی اور اطمینان کا اظہار کیا ہے۔ انہوں نے اسے حکومت کی کامیاب معاشی پالیسیوں کا نتیجہ قرار دیا۔
وزیراعظم آفس کے مطابق، اپریل 2024 میں SPI کی شرح 26.94 فیصد تھی جو اب گھٹ کر منفی 3.52 فیصد پر آ گئی ہے، جو کہ ایک اہم سنگِ میل ہے۔ وزیراعظم کا کہنا تھا کہ یہ صرف اعداد و شمار نہیں بلکہ ایک مثبت تبدیلی ہے جس کے اثرات جلد عوام کی زندگیوں میں بھی نظر آئیں گے۔
انہوں نے حکومت کی معاشی ٹیم کو سراہا اور کہا کہ "ہماری کوشش ہے کہ بہتری کے ثمرات براہِ راست عوام تک پہنچیں، تاکہ مہنگائی کا بوجھ کم ہو اور روزمرہ زندگی میں آسانی آئے۔”
وزیراعظم نے واضح کیا کہ حکومت معیشت کو مستحکم بنانے کے ساتھ ساتھ عام شہریوں کی فلاح و بہبود کو بھی اولین ترجیح دے رہی ہے۔
