پی ٹی آئی کے غلط فیصلوں کے اثرات سے نکلنے میں وقت لگے گا،مراد علی شاہ
یوتھ ویژن : ( عمران قذافی سے ) وزیراعلیٰ سندھ مراد علی شاہ نے کہا ہے کہ پاکستان تحریک انصاف (پی ٹی آئی) کے دور حکومت میں معیشت سے کھیل کھیلا گیا، جس کے نتیجے میں ملک کو سنبھالنے میں دو سال لگیں گے۔ انہوں نے کہا کہ ملک ابھی مسائل سے نکلا نہیں، لیکن نکل رہا ہے، اور پی ٹی آئی کے غلط فیصلوں کے نتائج سے جان چھڑانے میں وقت لگے گا۔
کراچی میں پریس کلب کے دورے کے دوران میڈیا سے گفتگو کرتے ہوئے انہوں نے پریس کلب کے ممبران کے مسائل کے حل کے لیے وعدہ کیا، یہ کہتے ہوئے کہ پاکستان پیپلز پارٹی (پی پی پی) اب بھی پریس کلب کو ریاست کے چوتھے ستون کے طور پر دیکھتی ہے۔
مراد علی شاہ نے کہا کہ میڈیا اور پریس کلبز پر حقائق بتانے کی بھاری ذمہ داری ہے، اور اس وقت صحافت کا معیار پہلے کی طرح بلند نہیں رہا۔ انہوں نے یہ بھی کہا کہ پی ٹی آئی کے دور حکومت میں معیشت سے کھیل کھیلا گیا، اور ملک کو سنبھالنے میں مزید وقت لگے گا۔
جب ان سے جوڈیشل ریفارمز کے بارے میں پوچھا گیا تو انہوں نے بتایا کہ چیئرمین پیپلز پارٹی بلاول بھٹو نے ایک سال قبل آئینی عدالت کے قیام کا ذکر کیا تھا، اور اب اس کے خاص مقاصد کے تحت کیا جانے کی بات ہو رہی ہے۔
ایک سوال کے جواب میں مراد علی شاہ نے کہا کہ این ایف سی ایوارڈ آئین میں درج ہے اور اگر کوئی اسے تبدیل کرنا چاہے تو کرلے۔
انہوں نے کے-الیکٹرک کے حوالے سے کہا کہ صوبائی اسمبلی نے سخت مؤقف اختیار کیا تھا، اور وفاق سے یہ تجویز دی تھی کہ کے-الیکٹرک کے بورڈ میں صوبائی حکومت کا نمائندہ ہونا چاہیے۔
